Një incident ka ndodhur në Perugia të Italisë, teksa të paktën 2 efektivë të policisë përfunduan me dëmtime serioze në spital, pas dhunës së pësuar gjatë ushtrimit të detyrës.
Media e vendit fqinj raportoi ngjarjen e ndodhur dje (14 Gusht), teksa protagonisti i agresionit të paprecedentë dyshohet se është një emigrant shqiptar, i cili u arrestua pasi u desh të spërkatej me spraj nga policët.
Kanë qenë vetë agjentët e Policisë së Shtetit të Perugias që e kanë ndaluar 34-vjeçarin, emri i të cilit nuk u publikua.
Shkak ka qenë refuzimi i shqiptarit për t’iu nënshtruar një kontrolli fizik pas ndërhyrjes policore, sepse nëpër xhepa rezultoi më pas se mbante një sasi lënde narkotike prej 21,19 gramë hashash. Në përpjekje për të shpëtuar, agresori përdori grushte, shkelma dhe mjete rrethanore të forta, si dërrasa, për të goditur efektivët në aksion. Si rezultat dy prej tyre morën lëndimet dhe u dërguan në spital, shkruan "perugiatoday".
Ngjarja mori fill pas një raportimi se dy burra po ziheshin mes tyre. Skuadra e gatshme shkoi menjëherë, por sipas qytetarit që sinjalizoi, 2 burrat ishin larguar drejt “Piazza Grimana”. Një prej të dyshuarve u gjurmua më pas në afërsi të “Corso Garibaldi”.
Kur efektivët kërkuan dokumentin e identitetit, shqiptari që dukshëm ishte edhe nën efektin e pijeve alkoolike, tentoi t'i shmangej kontrollit duke u larguar. Teksa ndiqej nga oficerët, ai mori një dërrasë, duke goditur fortë një prej tyre në ballë. Një përleshje e dhunshme pasoi me shqiptarin, i cili vazhdoi të godiste me shqelma dhe grushte në drejtim të dy efektivëve.
Këta të fundit u kundërpërgjigjën me spraj paralizues, duke e vënë nën kontroll. Kurse nga kontrolli brenda çantës iu gjet sasia prej 21.19 gramë hashash, që dyshohet se do e shiste dhe që u sekuestrua si provë materiale. Shqiptari iu nënshtrua hetimeve për akuzat e “kundërshtimit dhe plagosjes së një zyrtari publik” dhe “posedim të lëndës narkotike” për qëllime shitjeje.
Dy policët po trajtohen në spitalin Santa Maria Misericordia në Perugia, pasi rezultuan me lëndime që klasifikohen se shërohen në 5 ditë.
Lajme të tjera
-
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Shpërndanin drogë në Greqi, 4 të arrestuar, mes tyre dy shqiptarë
22 Dhjetor, 11:14 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Itali/ Do trafikonin 2 kg kokainë, arrestohen shqiptari dhe italiani! U sekuestrohen edhe hashash e valutë
21 Dhjetor, 21:42
