POP 5

Lajmet më të lexuara të 5 minutave të fundit

Kronikë

Lëvizte pa patentë, me maskë të zezë dhe shkop si të policisë, arrestohet i ru në Tiranë! Në pranga edhe një tjetër, i dyshuar i droguar dhe me kanabis në makinë

Dy persona u arrestuan në Tiranë, njëri që qarkullonte me makinë por që policia i kishte hequr përfundimisht patentën dhe një tjetër në gjendje të droguar. Arsen Hamollit policia i gjeti edhe një maskë dhe shkop si ato të policisë. Nga 317 patentat e hequra përfundimisht nga policia për shkelje të shumta, vetëm 31 kanë mundur të kalojnë provimin.

Arsen Hamolli, 26 vjeç, u arrestua nga policia në Tiranë pasi lëvizte me automjetin e tij pa patentë. I riu, të cilit i ishte hequr leja e drejtimit përfundimisht para disa kohësh për shkak të shkeljeve të shumta në qarkullimin rrugor, duhej të ishte rifutur në kurs për t'u pajisur sërish me të. Por kjo nuk ka mjaftuar ta bind Hamollin, i cili zgjodhi t'i japë makinës në kundërshtim me ligjin. Policia kishte informacione në rrugë operative se ai lëvizte pa patentë dhe gjatë ndërhyrjes për arrestimin e tij iu gjetën në makinë një maskë e zezë dhe një shkop metalik si ata të policisë, çfarë ngre dyshimet se ishte përgatitur të kryente vepra të tjera penale. Pas arrestimit, 26-vjeçari rezultoi edhe në gjendje të dehur.

Një tjetër i ri u arrestua në Tiranë, kësaj here i dyshuar duke drejtuar mjetin nën ndikimin e lëndëve narkotike dhe me drogë me vete. Enea Deda, 28 vjeç, u kap gjatë një kontrolli rutinë në Shkozë. Brenda makinës iu gjet kanabis sativa, ndërsa pas testimit me Aquila Scan ka rezultuar se i duhet bërë testi i drogës në laborator. Dedës, policia, përveç arrestimit, i pezulloi patentën për 2 vjet, u gjobit me 200 mijë lekë dhe iu hoqën nga patenta 10 pikë.

Që prej hyrjes në fuqi të pikëzimit të patentave në Kodin Rrugor në vendin tonë 317 persona në të gjithë vendin e kanë humbur shansin për ta pasur. Ata për t'u pajisur sërish me patentë duhet të kryejnë nga e para kursin me të gjitha detyrimet financiare dhe të paraqiten në provim për të tentuar jo 5 herë sa e kanë të gjithë drejtuesit e rinj, por vetëm 1 herë dhe jo 5 gabime, por vetëm 3. Nga 317 persona, vetëm 31 prej tyre kanë mundur ta rimarrin patentën. Kjo është kategoria e shoferëve që konsiderohen më të rrezikshmit të rrugë dhe për këtë arsye ligji ka parashikuar vështirësi në rimarrjen e tyre.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kushtetuesja tha garantohet

Kushtetuesja tha garantohet "vota parapëlyese në 2/3 e listës", shifrat e sondazhit: Mbi 80% e ligjvënësve zgjidhen nga krerët e partive

26 Dhjetor, 20:40 nga Kujtim Topuzi