Djegësit termik duket se do të zgjidhin përgjithmonë problemin e plehrave në qytetin e Elbasanit. Kjo deklaratë vjen nga Ministri i Mjedisit ,Lefter Koka gjatë konferencës Ndërkombëtare “ Energjia e Gjelbër dhe Shkencat Mjedisore në Shqipëri”.

"Shqipëria me synimin e zhvillimit drejt ekonomisë së gjelbër ka mbështetur qëndrimin e vendeve të BE ndaj konventës së kombeve të bashkuara për ndryshimet klimatike duke u angazhuar ne marrjen e masave per përcaktimin e objektivit kombëtar për reduktimin e gazrave serë deri ne vitin 2020, për rritjen e burimeve te rinovueshme të energjisë me 35 % deri në vitin 2020, për rritjen e eficences së energjisë me 9 % deri ne vitin 2018", deklaroi Koka.

Kjo konferenca ka në qendër të vëmendjes futjen e metodave dhe teknologjive për zhvillimin e qëndrueshëm dhe energjinë e gjelbër.
 

Redaksia Online
(g.f/Shqiptarja.com)