POP 5

Lajmet më të lexuara të 5 minutave të fundit

Sociale

Mbi 13 mijë të prekur nga gripi e virozat në javë! Ekspertët: Ka një trend në rritje, por jemi larg epidemisë! Ja simptomat

Në të gjithë vendin Instituti i Shëndetit Publik po numëron më shumë se 13 mijë të prekur me grip dhe viroza të stinës në javë. Për Report Tv ekspertët thonë se duhet kujdes por nuk ka vend për alarm, pasi jemi në sezonin e dimrit dhe kjo situatë është e pritshme.

Në të gjithë vendin më shumë se 13 mijë raste paraqiten çdo javë në spitale e qendra shëndetësore të prekur me grip apo viruset stinore. Ekspertët e Institutit të Shëndetit Publik megjithatë qetësojnë dhe thonë se jemi ende larg shifrave që do të çonin në shpalljen epidemisë. Specialisti epidemiolog në ISHP Artan Simaku evidenton edhe rastet me COVID-19, por që sipas tij janë më të pakta në dhe pa komplikime.

"Ka një trend në rritje, mbizotëron gripi ndaj COVID-19. Por jemi ende larg pragut epidemik. Nga monitorimi javor i infeksioneve respiratore të sipërme dhe të poshtme ky numër ka arritur rreth 13,500, por siç thamë prirja është në rritje."

Gripi dhe virozat stinore prekin të gjithë grupmoshat, por sipas mjekëve më të rrezikuar janë fëmijët dhe mosha e tretë, kryesisht ata të sëmurët kronikë. 

"Këtu flas më tepër për moshat që kanë edhe problematika të tjera patologjike, të cilat ndjenjë dicka ndryshe në organizmin e tyre një ulje, një lodhje e pashpjegueshme, një kollë të cilën  tashmë kudo që jemi  ndjejmë që mund të jetë e thatë apo me sekrecione. Unë mendoj që duhet të drejtohen te mjeku. Po ashtu ata pacientë të cilët bëjnë një temperaturë ditën e parë, ditën e dytë e shikojnë që janë rënduar, atëherë duhet të vijnë në Qendrat Shëndetësore të bëjnë një vizitë, të bëjnë testimin", u shpreh mjekja e familjes Violeta Kacorri.

Krahas virozave dhe gripit stinor, javët e fundit vendi ynë po përballet edhe me sëmundjen e syve, e cila ndryshe njihet si gripi i syrit.

"I ashtuquajturi gripi i syrit është një sëmundje e syrit që quhet keratoconjuncticitis, një infeksion i syrit që shkaktohet nga një adeno-virus që është një virus që qarkullon gjatë stinës së dimrit, por në nivel shumë më të ulët sa gripi. Kjo sëmundje merret pra nga duart e pa pastra, nga higjiena jo e mirë vetjake, nga fërkimi i syve", shtoi Simaku.

Bluzat e bardha bëjnë thirrje për marrjen e dozave të vaksinës jo vetëm ndaj COVID-19, por edhe ndaj gripit.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29