POP 5

Lajmet më të lexuara të 5 minutave të fundit

Kronikë

Drejt Punës

Mbi 30 vite në thellësitë e galerive të minierës së Bulqizës, rrëfimi i rrallë i minatorit Ferhat Kurti për Report Tv dhe ëndrra e tij për shtëpinë dhe pension dinjitoz

Ferhat Kurti babai i 4 fëmijëve ka kaluar 30 vite të jetës së tij në galeritë e minierës së Bulqizës. Në rrëfimin e tij për Report Tv ai ndjehet fatlum që ka mbijetuar dhe është akoma gjallë nga puset e ferrit. Në një rrëfim për Report Tv ai ka treguar vështirësitë e punës në thellësi të puseve si dhe problemet financiare e shëndetësore.

30 vite në galeritë e minierës së Bulqizës... Ferhat Kurti ka kaluar një jetë plot sfida. Vazhdon të punojë çdo ditë me përkushtim edhe pse e ka mbushur moshën e pensionit të parakohshëm.

"Une kam mbushur moshën e pensionit në dhjetor". 

Ferhat Kurti, jeton me 4 fëmijët, bashkëshorten dhe nënën në ish-pallatin e punëtorëve në qytetin e Bulqizës. Të ardhurat për familjen i siguron nga puna në miniere. 

"S'kam asnjë të ardhur tjetër, me shtëpi jemi në pallatin e punëtoreve. Gruaja punon në stok. Jetojmë në fjetoren që quhet pallati i punëtoreve, presin të na bëjë letrat (hipotekën) shteti. Kemi investuar për shtëpinë se më përpara kemi qenë të gjithë banorët me një banjo të përbashkët".

Në rrëfimin e tij emocionues për Report Tv, minatori tregon se ka punuar në fronte të vështira.

"Kam punuar me hapjen e pusit nr, 8 nga fillimi deri në fund, me ujëmbledhësa, gjithmonë minator në fronte të vështira, në rreziqe. Kam 30 vjet në miniere nëpër kolonat e pusit, se nuk i njohin të gjithë punime vertikalisht në thellësi".

Me pikëllim kujton momentet kur ka nxjerrë kolegët të pajetë nga galeritë.

"Vështirësi ka pasur plot. Kam nxjerrë gjithë ato njerëz... kam nxjerrë minatorë të plagos kam përjetuar vështirësi. Kanë vdekur shumë minatorë".

55-vjeçari është dëmtuar dhe vetë në minierë, por KEMP-in nuk ka arritur ta përfitojë.

"Tre gishta më janë këput vetëm më është paguar raport, shpërblim s'kam përfituar tentova të marr një KEMP nuk e përfitova nuk e di pse doktori thoshte me rregullore po, por nuk ma thanë, sic shyqyr kam jetën se me plot vështirësi e vuajtje e kam kaluar".

Tre djemtë nuk e kanë zgjedhur rrugën e të atit, për shkak të vështirësive të shumta që ka puna në minierë, ndërsa pagesa dhe pensioni mbeten të ulëta për këtë profesion.

"Kam tre djem, asnjëri nuk punon në miniere, çfarë pasurie kam unë? Kënaqësi e quan kur merr një pension të mirë, minatori duhet të ketë një lek mënjanë. Të kesh rezerva kjo nuk ekziston tek minatori.  Një ditë të mos shkosh në punë mbetesh pa lek, pagesa është 2500 lek dita".

Pavarësisht peripecive të shumta, minatori Ferhat Kurti falenderon zotin se është gjallë.

"Zoti i madh më ka shpëtuar deri në këto momente. Çdo minator është fatlum që është gjallë sepse rreziku është i paimagjinueshëm".

/a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Loti: 22/03/2021 01:35

    Je i nderuar o hero i heshtur

    Përgjigju
  • Eri: 21/03/2021 20:22

    Ky njeri eshte hero sepse ka punuar 30 vjet nen toke qe jane baraz me 60 vjet pune mbi toke.Politikaneve duhet tu vije turp qe i lene minatoret pa status te vecante.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

26 Dhjetor, 22:18