Mbi 600 garues nga 37 vende të botës, mbahet në Pogradec maratona e 'Enkelanës'! Pjesmarrësit: Erdhëm nga larg, na tërhoqi organizimi

Më shumë se 600 garues nga 37 vende të botës morën pjesë në maratonën e ‘Enkelanas’ të zhvilluar në Pogradec, duke krijuar emocione të forta falë një organizimi madhështor për herë të parë në këtë qytet. Vrapuesit ishin ndarë në dy disiplina: 21 km (Lin-Pogradec) dhe 10 km (Pogradec-Tushemisht), ndërsa garat ishin për meshkuj dhe femra.

Në garën më të gjatë, 21 kilometra, fitues u shpallën Diron Memushaj dhe Biljana Kiradjeva.

“Gara ka qenë shumë e bukur. Kam ardh nga Gjokava me kënaqësinë më të madhe për të garuar. Ka qenë spektakolare,”-u shpreh Diron Memushaj, maratonomak.

Ndërsa në disiplinën 10 kilometra shiritin të parët e prenë Gresa Bakraci dhe Albion Ymeri.

“Vij nga Kosova, nga Peja. Atmosfera ishte shumë e mirë pasi kishte brohoritje nga çdo cep i garës. U ndjeva shumë mirë sepse I shijoi garimet që i organizojnë shqiptarët. Mundohem gjithmonë të vij këtej dhe të jemi të gjithë bashkë për garat,”-tha Greca Bakraci, maratonomake.

“U ndjeva mirë. Koha ishte e përshtatshme për vrapim. Me punë ia dola të fitoj, por nuk kishte konkurencë të madhe për t’u munduar shumë. Isha në një zonë të sigurtë,”-u shpreh Albion Ymeri, maratonomak.

Përveç garës ky aktivitet kishte për qëllim edhe promovimin e qytetit të Pogradecit, me qëllim rritjen e potencialit turistik.

“Më pëlqen që ky aktivitet të kthehet në një traditë të vazhdueshme sepse i sjell impuls ekonomisë, por jo vetëm kaq sepse promovon zonën nëpërmjet vizitorëve të huaj sepse do jenë lajmësit më të mirë për atë që përfaqëson Shqipëria, qarku, Pogradeci dhe njerëzit,”-deklaroi Nertil Jole, prefekti i Pogradecit.

Maratona e ‘Enkelenas’ në Pogradec ka për qëllim të kthehet në traditë për qytetin.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Arrestimi i mjekut, a po bëhet sa duhet për të luftuar korrupsionin në sistemin shëndetësor?



×

Lajmi i fundit

Gjermania merr gaz të lëngshëm nga Emiratet e Bashkuara Arabe

Gjermania merr gaz të lëngshëm nga Emiratet e Bashkuara Arabe