Qeveria në Shëngjin, gazetari zbardh detaje: Në tryezë, sondazhet e qytetarëve për çdo ministri! Ja për çfarë ishte i pakënaqur kryeministri

Zbulohen detaje mbi çështjet që janë diskutuar gjatë takimit informal të qeverisë që sot në Shëngjin.

Gazetari i Report Tv Elvis Hila gjatë një lidhje skype për emisionin “Repolitix” në Report Tv zbulon se në tryezën e diskutimit janë vendosur sondazhe të mendimit të qytetarëve lidhur me performancën e ministrive të ndryshme.

Ndërsa kreu i grupit PS-s Bleci Çuçi ka analizuar veprimtarinë e deputetëve për vitin që lamë pas.

“Më  gjatë në fjalën e tij ka qenë Blendi Çuçi që ka kaluar në skaner veprimtarinë e deputetëve në vitin 2023, marrëdhëniet e tyre me elektoratin, qëndrimet e tyre në Kuvend ndërsa pjesa e dytë e takimit u përqendrua tek puna e qeverisë ku cdo ministri ka analizuar punën e saj.

Në tavolinë kanë qenë edhe sondazhet e publikut mbi cdo ministri. Sa i takon shërbimeve online, kryeministri u ka kërkuar ministrive përkatëse por edhe drejtorive një rritje të performancës sa i takon administratës në ofrimin e shërbimeve online. Mbledhja ka përfunduar rreth orës 19:00 për të nisur diën e nesërme.

Kryeministri Edi Rama ka shfaqur pakënaqësi  sa i takon punës në disa ministri lidhur me shërbimet online dhe ka kërkuar vëmendje në këtë drejtim

Rama nuk është shprehur i kënaqur sa i takon punës së disa ministrive, sa i takon sidomos shërbimeve online ndaj ka kërkuar vëmendje në këtë drejtim në mënyrë që qytetarët të kenë sa më shumë akses tek shërbimet”- u shpreh gazetari ndër të tjera për emisionin "Repolitix" të gazetarit Denis Minga.

Lajmi kryesor:

Qeveria mblidhet në Shëngjin/ Në Repolitix', Krashi: Kohë për të reflektuar ku punohet keq! Soko: Larg realitetit! Ironizon Alimehmeti

B.V/S.G/Shqiptarja.com

TAG:
• ilir alimehmeti
• edi rama
• keshilli i ministrave
• Lavdrim Krashi
• repolitix
• pano soko