TIRANË- Pas gati 3 orësh mbledhje grupi i PD ka nxjerrë 8 emra për diskutim të thelluar lidhur me propozimet për presidentin e ri. Deputetët demokrat kanë propozuar emrat e Rexhep Ukë, Halim Kosovës, Dashamir Shehut, Leka Zogut, Leonard Demit, Arben Çejkut, Dritan Demirajt dhe Visar Zhiti.
Në një prononcim për mediat Alibeaj theksoi se do të konsultohet me të gjithë anëtarët e Grupit Parlamentar, edhe atyre që ditën e sotme nuk u paraqitën në mbledhje. Ai tha se nëse mazhoranca nuk do të pranojë asnjë nga emrat e propozuar, do të tërhiqen nga procesi. Alibeaj gjatë fjalës së ti paralajmëroi se ditën e nesërme Grupi Parlamentar do të mblidhet sërish.
Në mbledhjen e sotme, Alibeaj u ka prezantuar edhe procesin se si do të shkohet deri të kandidatura përfundimtare. Në total opozita, do të prezantojë 4 emra, 2 nga grupi i Enkelejd Alibeaj dhe 2 të tjera nga Fatmir Mediu (grupi Aleanca për Ndryshim) dhe Mesila Doda (grupi për Demokraci dhe Integrim). Prej këtyre 4 emrave, 2 do të zgjidhen nga socialistët. Më pas do të krijohet një grup i përbashkët prej 6 anëtarësh, në përbërje të së cilit do të jenë nga PD dhe PS, për të dalë në vetëm 1 kandidat që do të çohet në Kuvend në 23 maj. Kandidati do të propozohet me firma të përbashkëta PD-PS.
Dje palët arritën dakordësinë që në dy raundet e ardhshme, të dytin dhe të tretin do të jetë opozita ajo që propozon kandidatët dhe më pas socialistët. Raundi i dytë për zgjedhjen e presidentit do të jetë në datë 23 maj ora 18:00. Raundi i parë dështoi pa asnjë emër konkret për presidentin e ri të Republikës së Shqipërisë. Ndonëse nuk kishte asnjë kandidat për t’u votuar, sipas Kushtetutës së Shqipërisë ky quhet si një raund votimi i ezauruar për t’ia lënë vendin katër raundeve të tjera.
Emrat e propozuar nga deputetët demokrat
Rexhep Ukë
Halim Kosovës
Dashamir Shehut
Leka Zogut
Leonard Demit
Arben Çejkut
Dritan Demirajt
Visar Zhiti
Pas mbledhjes së Grupit Parlamentar të PD e cila zgjati 3 orë, Enkelejd Alibeaj tha se do të vijojë konsultimet me deputetet demokratë, ndërsa shtoi që do të marrë mendime edhe nga aleatët. I pyetur nëse do të konsultohet me Sali Berishën, ai theksoi se do të flasë vetëm me "anëtarët e Grupit Parlamentar".
Alibeaj gjatë prononcimit të tij për gazetarët këmbënguli se me rëndësi në këto momente është procesi i zgjedhjeve dhe jo emrat e kandidatëve. Kreu i Grupit paralajmëroi se ditën e nesërme grupi do të ketë një tjetër mbledhje.
“Ishte mendimi i të gjithë anëtarëve të grupit parlamentar, 26 kolegëve, të gjitha detajet t’ua bëjmë me dije edhe kolegëve tanë që nuk ishin. Me rëndësi tani për ne nuk janë emrat, por procesi.
Ne do të konsultohemi me të gjithë anëtarët e Grupit parlamentar të PD për të shprehur vullnetin e tyre dhe mendimin. Kjo për efekt të transparencës së këtij procesi. Ne nuk kemi asgjë për të fshehur. Do konsultohemi edhe me aleatët, dëshirat dhe qëndrimet e tyre si edhe me emrat eventuale. Vetëm me në këtë mënyrë proces duhet të eci. Nesër do të ketë një tjetër mbledhje, pas konsultimeve. Secili ka pasur lirinë të flasë jo vetëm për profilin, por edhe për emra konkret. Për respekt të të gjithë kolegëve mos më pyesni për emrat e lakuar. Kemi pasur takim me aleatët, i kemi marrë qëndrimet e tyre, do të takohemi sërish. Nesër paradite do të takohemi.
Nuk marrë garanci nga Balla dhe Rama, vetëm të Grupit parlamentar të PD. E drejta për të propozuar është e opozitës. Hapi i dytë është që mes 4 emrave që përmbushin të gjitha kriteret, detarë kanë të zgjedhin 2. Mbas këtij hapi është ai i treti, mes 2 kandidaturave do të zgjidhen 2, për të shkuar me 1 të vetme të mbështetur nga të gjithë. Kjo si një garanci që nuk është një proces fals, por i mbështetur nga të gjithë shqiptarët.
Jo vetëm që duhen respektuar, por në momentin që ka një shmangie nga këto detyrime të marra nga ata, konsiderohet fyerje, që do të behet edhe publike. Ky është një proces me një palë të tretë, publiku shqiptar.”, u shpreh ai.
Gazment Bardhi ka kërkuar ‘armëpushim’ me grupin e Rithemelimit që të diskutojnë për emrat e kandidatëve që do të propozohen në 2 raundet e ardhshme për presidentin e ri. Bardhi tha se duhet të bëhen të gjithë bashkë që kandidatët të jenë produkt i opozitës pas bërë asnjë përjashtim. Deklaratat e Bardhit u bënë në mbledhjen e grupit të PD-së që po drejtohet nga Alibeaj dhe po marrin pjesë më shumë se 23 deputetë që të dakordësohen për emrat që do të propozojnë për kreun e ri të shtetit.
“Të mblidhemi të gjithë deputetët e opozitës bashkë, minimalisht të gjithë deputetët e dalë nga lista e PD. Ky nuk është moment ndasie midis nesh. Nuk shoh që ka diferenca që propozimi për Presidentin e ri i takon opozitës. Duhet një armëpushim mes vetes në PD dhe të eksplorohet çdo mundësi për bashkim në këtë proces. Unë mendoj që për tu bërë bashkë mund të mendohet që grupi që mandatohet nga Grupi Parlamentar për negociata të përfshijë deputetë nga të gjitha palët. Kandidatët tonë duhet të jenë produkt i të gjithë deputetëve të opozitës, pa asnjë përjashtim.
Kjo duhet të tentohet pa ndërprerje dhe në çdo mënyrë. Unë e kuptoj që ftesa për mbledhje i është bërë të gjithë deputetëve të PD, përfshirë kolegët e Komisionit të Rithemelimit, dhe ka qenë zgjedhja e tyre që të mos marrin pjesë. Mirëpo ne nuk duhet të reshtim që të eksplorojmë çdo mundësi që edhe propozimet e tyre për kandidatë të përfshihen. Nga ana tjetër, pa garanci që propozimet tona do merren në konsideratë, unë nuk mendoj që ne duhet të ecim me emra. Ose nëse grupi vendos që duhet të propozojmë, atëherë kjo nuk duhet të vijohet pa fund. Unë nuk kam emër dhe nuk propozoj emër”, tha Bardhi.
Grupi i PD ka propozuar 8 emra që do të diskutohen për kandidatë për president. Në mbledhjen e grupit parlamentar, deputeti i Partisë Demokratike Flamur Hoxha ka propozuar emrin e ish-ambasadorit Arben Çejku si kandidat për president. Ndërsa deputeti Ferdinand Xhaferraj, ka propozuar emrin e ish-deputetit të PD-së Leonard Demin. Emrin e Princ Lekës e propozoi Dhurata Çupi. Deputeti Bledjon Nallbati ka propozuar Dritan Demirajn ndërsa Saimir Korreshi propozoi emrin e Visar Zhitit.
Propozimet e grupit të PD që do kalojnë në diskutim të thelluar:
- Leonard Demi
- Arben Çejku
- Dritan Demiraj
- Visar Zhiti
- Rexhep Uka
- Halim Kosova
- Dashamir Shehu
- Leka Zogu
Në mbledhjen e grupit parlamentar të PD-së, Alibeaj ka propozuar 4 hapa të procedurës për përzgjedhjen e presidentit të PD, referuar draftit të bërë publik më herët. Grupi i PD-së do të përzgjedhje 4 kandidatë, 2 nga grupi i PD dhe 2 nga Fatmir Mediu dhe Mesila Doda . Ndërkohë, pas dhënies së emrave të formohet një grup i përbashkët PD-PS me 6 anëtarë dhe zgjedh 1 kandidat. Kandidati propozohet me firma të përbashkëta PD-PS.
Në mbledhjen e thirrur nga kreu i grupit parlamentar të PD, Enkelejd Alibeaj për të diskutuar për emrat e mundshëm që do të hidhen në tryezën e negociatave si kandidatë për presidentin e ri janë 23 deputetë. Alibeajt i duhen 20 firma për të propozuar emrin e 2 kandidatëve për president që do t'i paraqesë në dy raundet e ardhshme.
- 1. Andia Ulliri
- 2. Lindita Metaliaj
- 3. Merita bakiu
- 4. Seladin Jakupllari
- 5. Kastriot Piroli
- 6. Kreshnik Collaku
- 7. Ferdinand Xhaferraj
- 8. Lefter Geshtenja
- 9. Saimir Korreshi
- 10. Dhurata Çupi
- 11. Gazment Bardhi
- 12. Bledion Nallbati
- 13. Oriola Pampuri
- 14. Xhelal Mziu
- 15. Jorida Tabaku
- 16. Eralda Tase Bano
- 17. Dashnor Sula
- 18. Flamur Hoxha
- 19. Arbi Agalliu
- 20. Enkelejd Alibeaj
- 21. Gerta Bardeli
- 22. Zef Hila
- 23. Ramadan Lika
Në takim, opozita ka rënë parimisht dakord që të dalin me 4 emra, Aleanca për Ndryshim i ka dhënë emrin e Dashamir Shehit, teksa Mesila Dona ka deklaruar se do të konsultohet edhe një herë me grupin e saj për të dërguar një emër. Nga ana tjetër, grupi i Enkelejd Alibeajt do të dakordësohet për 2 emra.
Opozita është takuar në ambientet e Kryesisë së Kuvendit për të dakordësuar kandidaturën e saj. Mësohet se Enkelejd Alibeaj ka zhvilluar një takim me Mesila Dodën dhe Agron Dukën në Kryesinë e Kuvendit.
Deputeti i Partisë Demokratike Oerd Bylykbashi, përfaqësues i Rithemelimit, ka dënuar sipas tij marrëveshjen Enkelejd Alibeajt dhe mazhorancës, për propozimin e emrit të kandidatit për president në dy raundet e ardhshme.
‘Opozita nuk ka nevojë për marrëveshje për të propozuar kandidatë. PD e ka përcaktuar qëndrimin e saj me rezolutën e Këshillit Kombëtar. Denoncojmë këtë marrëveshje pavlerë si një akt që do ti dorëzojë presidentin Edi Ramës.’- tha Bylykbashi.
Deputeti i PD, Tritan Shehu, anëtar i Komisionit të Rithemelimit ka bërë thirrje që demokratët të mos mbështesin Enkelejd Alibeajn në negociatat me PS për zgjedhjen e presidentit të ri.
Me anë të një postimi në Facebook thotë se mbledhja e ditës së djeshme, ku për herë të parë pati dakordësi mes opozitës dhe mazhorancës, ishte “komedi politike” dhe lojë antidemokratike që po i shërben Ramës për të arritur votat e nevojshme.
Sipas Shehut, Rama do të zgjedhë presidentin e tij por do të propozohet nga Alibeaj në raundin e dytë ose të tretë nëse do të arrijë të marrë 20 firmat e opozitës.
“Të nderuar deputetë të PD, mos u bëni pjesë e qëllimit të mbrapshtë Rama-Alibeaj: Një pseudo e mini-opozitë për të arritur PS-ja 84 votat e nevojshme! Ky ishte konkluzioni i djeshëm i asaj komedie politike të shfaqur tek Kryesia e Kuvendit, e dirigjuar nga ‘shkopi’ i Ballës dhe me një anturazh ‘korist’ në sfond. Alibeaj, pikërisht në fund të atij ‘takimi’ dekonspiroi thelbin e tij kur foli për një ‘opozitë për të arritur 84 votat’. Pra një ‘opozitë’ me 7-10 depuetë, që si shtesë e votave të disponueshme të PS, të arrijnë në numrin e cilësuar të votimit.
Pikërisht, aq sa i duhet Ramës për të zgjedhur i maskuar si liberal një President të tij, pse jo edhe të “propozuar” sa për aparencë nga Alibeja&Co, nqs ai do të siguronte 20 firma propozuesish… Dhe kjo mund të ndodhë edhe në raundin e dytë ose të tretë, nqs Alibeaj&Co do të arrijë të “peshkojë” këto 20 firma opozitarësh koshiente për dëmin e madh që po i bëjnë demokracisë në shkëmbim të…
…ose që akoma nuk po arrijnë të shikojnë realitetin e të kuptojnë qartë ku synon kjo lojë antidemokratike, që po luhet në shërbim të forcimit të këtij regjimi. Prandaj ju lutem…mos u bëni pjesë e asaj që do t'ju ndante përfundimisht me elektoratin tuaj demokrat. Dhe një deputet pa elektorat nuk është deputet, ai mund të jetë vetëm një rrogëtar…por që shpejt do t’i duhet ta lërë edhe atë”, shkruan Shehu.
Komente
Lajme të tjera
-
Afera Partizani/ Berisha në SPAK me një grusht militantësh: Seksion i kartelit Troplini! Irena me 5 mbiemra falsifikoi një dokument, iu pranua nga Vettingu i Ramës
2 Qershor, 07:05 -
Sali Berisha nesër në SPAK për masën 'detyrim paraqitje', mobilizon militantët në protestë
1 Qershor, 21:05 -
Spahiu: Fakti që në shesh nuk protestojnë as 400 veta, provon që s’janë vjedhur 400 mijë vota
1 Qershor, 18:05 -
Afera e dosjes ‘Partizani’/ Të hënën hidhet shorti për treshen gjykuese të çështjes në GJKKO! Të pandehur Berisha, dhëndri i tij Malltezi dhe 3 të tjerë
1 Qershor, 09:36
-
‘Nuk e njohim rezultatin!’ Plas gallata në rrjet me Berishën si interist! Edhe Topallit i kthejnë ‘kusur’: PD është si Interi!
1 Qershor, 09:17 -
Ylli Pata: Mjegulla berishjane mbi ndërkombëtarët, kur një raport rrëzon zgjedhjet?
31 Maj, 20:08
-
Donar Dibra: Rezoluta e urrejtjes
31 Maj, 19:45
-
11 maji/ Mediu jo si Berisha: Të faktojmë farsën, por sytë edhe nga gabimet tona! Koalicioni me probleme, nuk u ‘josh’ votuesi i lëkundur
31 Maj, 15:51
-
Lorenc Vangjeli: Pse duhet të qëndrojë Berisha në krye të PD-së?
31 Maj, 15:48
-
'A ka një krisje me Ilir Metën?' Berisha: Çdo forcë politike bën zgjedhjet e veta
31 Maj, 15:37 -
Dje dhe sot: “Transparenca” e Berishës ndaj kandidatëve që kërkuan rinumërim të votave personale (VIDEO)
31 Maj, 15:13 -
Berisha ‘mburret’ me rezolutën e radhës: IDC-CDI kundërshton zgjedhjet dhe ‘kushtëzon’ integrimin
31 Maj, 13:15
Leka Zogu i ploteson kriteret dhe per me teper na forcon bashkepunimin me SHBA-te dhe zotin Sorros, konsideruar origjinen nga mema mretneshe. Ne fund te fundit, mendoj qe e ka ende te pacenuar vyrtyrin e pastertise dhe jo si keta peshkaqene e bucet tona sa nga Rama sa nga Berisha, njeri me vampir se tjetri.
PërgjigjuKandidaturat duhen shoqeruar me biografi dhe rezymene,kush jane,cfare kane bere qe t'a justifikojne kandidaturen.Nje /hapje zemre/,ndonje plan-program per te ardhmen e Shqiperise e popullit,dhe nje shpjegim pse meritojne te zgjidhen duhet t'a bejne dhe vete para popullit(tani qe u doli emri),pavaresisht se kushtetuta jone na i servir si /caketopper/.Nuk do te ishte keq qe dhe PS me alate te nxjerrin dhe ata nje liste prej 8 kandidatesh dhe te dyja listat te krahasohen dhe ndoshta perzgjidhet nje figure qe mund te jete ne listen e grupit tjeter,por gezon respektin e te gjithe paleve.Kjo do te ishte teper demokratike per mendimin tim.
PërgjigjuQe kane qene te rrjedhur e dime. por qe te mberrijne te propozojne deri "Princ" Leken si president te nje Republike Parlamentare keto te PD mund ta mendojne. Budalleku s'ka brire!
PërgjigjuThashe dhe une se me ne fund u gremis ndonje furre dhe Alibeaj vendosi te propozoje ndonje emer qe meriton respektin e te gjithe shqiptareve,pervec respektit e armiqesise se Berishes Non Grata dhe kriminel i lindur me goditje nga lopa ne tru te vogel! Dhe kjo sepse dikush shkroi e publikoi ne shtyp e TV se njeri nga emrat e diskutueshem do te ishte emri i Ina Rames! Mirepo,pavaresisht se mu duk e cuditeshme qe te jepej nje emer i tille thashe Bujrum,shume mire! Por,sic thote populli,dardha e ka bishtin mbrapa.Jo vetem qe emri i saj nuk u shqiptua gjekundi,por u propozuan emra qe publiku i njeh mire dhe qe mund t'i mbeshtesin vetem nje pjese e voooogel e ketij populli.Propozohet psh.Dashi,qe eshte i njohur si aleat i ngushte e produkt i bandes berishiste qe dhe e ngre nga pak goten si puna e Fatos Nanos;propozohet Leka Zogu,i biri i Ahmet Zogut i cili eshte kunder sistemit demokratik dhe ka ne program te tij rikthimin e monarkise!;propozohet Dritan Demiraj,qe u katapultua nga PD-ja me marreveshjen Rama-Basha dhe pa ndonje kontribut te ndjeshem ne kete vend e te tjere anetare te PD-se si Halim Kosova,Visar Zhiti apo Demi.Po mire ore te uruar.Nuk e kuptoni qe populli do nje figure gjitheperfshirese dhe jo dike brenda gardhit apo tufes suaj,qe marrin vendime me ane te nje telefonate e qe jane lehtesisht te shantazhueshem nga cifti i urryer Like-Berisha edhe sikur te kene cilesi te mira si kandidatet e fundit qe permenda.Nuk ka ky vend figura jashtepartiake qe me domosdo qe propozohen keto kandidatura? Apo emra te tille si Ina Rama,Majlinda Bregu e te tjera si keto nuk hyjne ne syrin tuaj?Dhe pastaj e ka fajin partia socialiste qe nuk ka se si te bjere dakort me kandidaturen e Dashit apo te Leka Zogut!Po mbhlidhni o zoterinj pullumbat qe i kini shperndare ne drejtim te paditur.Ketu nuk behet fjale per rojen e selise se PD-se,por per presidentin e vendit!Jeni te pakoregjueshem.Mire kur ishit ne pushtet qe s'pyesnit njeri dhe vinit ke donit (si rsti i Berishes,Llalles,Nishanit,Zoganjorit,Artan Hoxhes etj etj) ,por dhe tani qe jni bere si kembet e nxira te pirostise?Keshtu si silleni keni per te mbetur ne opozite dhe 50 vjete te tjera,sepse mendoni shume ngushte vetem per veten e perfitimet tuaja personale dhe aspak per popullin e per vendin!Berishizmi ka bere vrime me turjele ne trurin tuaj dhe pavaresisht se jeni per momentin "te detyruar" kunder Berishes dhe jo se jeni te ndergjegjshem se ai meriton te jete jashte partise e jetes politike te vendit,nuk ndryshoni nga ai ne asnje pike.Jeni te gjithe Berishe ne miniature dhe te tille do te mbeteni deri sa te zgjohen demokratet e ndershem te partise suaj e te bashkohen me Fatbardh Kadillin,i vetmi qe po e tregon se eshte i ndryshem nga ju!
PërgjigjuIna Rama zgjedhje perfekte..
Përgjigjua keta smerren vesh , here me nji here me nji
PërgjigjuA e kuptoni sa mbrapa qe jemi a e kuptoni qe eshte turp per ne qe sala eshte akoma ne kuvendin ton akoma ekziston ai eshte turp dhe turp per opoziten ai don te shkatrroj perseri shqiprin ik o sale na le rehat leje kete popull te qet te eci perpara jo te na lesh mbrapa ik ik ik
PërgjigjuPD akoma nuk kane nje kryetar e merren me llafe per presidentin.Rama ka bere me shume per popullin se do beni ju ndenjehere
PërgjigjuIna Rama do ishte zgjedhje fantastike!
PërgjigjuKta te PD jane te lezetshem, spo bien dot dakort per te zgjedhur kryetarin e partise japin mend lart e posht per te zgjedhur presidentin
PërgjigjuMos degjoni deshtimin non grada ju
Përgjigjuheheheh o pd ju akoma skeni nje kryetar per vete kurse tshi keni goje te flisni per presidentin hhah
PërgjigjuAkoma se kuptoj si flasin qe duan te japin propozime kur ato akoma spo gjejne nje kryetar per partine e tyre…
PërgjigjuPo ju si parti gjithmone i keni rene te mires me shkelm , se te negociosh me Ramen ndikon per mire dhe tek ju . Por ju sdo beni najhere njerez te hajrit .
PërgjigjuO zot i madh akoma merret PD me llafe. Po ikni aman se lat nam vetem duke mashtru r duke vjedh edhe ktej vini na beni si nisha
PërgjigjuKta sdi ku kan koken do japin propizime kta. O pike e zez kta spo bashkojn dot veten
PërgjigjuBerishen kape hiqeni fare vrasesin e ndyr e leni akoma te brredh
PërgjigjuSi ka mundesi more plehera qe nuk u moret njeher vesh me te mir te uleni dhe ta beni nje pune tamam me mirekuptim por nuk ju hiqet mllefi dhe urrejtja qe mos befsh pike e hajrit plehra
PërgjigjuFoli dhe ky Bosi i firmes Shqiponja,qe kontrabandonte nafte per Miloshevicin!Nuk e ka kuptuar akoma se ka shkuar per lesh,bashke me shefin e tij!Plehre!
PërgjigjuIna Rama do te ishte emri me adekuat per presidente e republikes.Emri i saj eshte antiteza e plote e emrit te presidentit te sotem -pa emer, se nuk e meriton te permendet emri i tij i zi,turpit te ketij vendi.Dhe kam mendimin se dhe shumica socialiste do ta votonte me te dy duart.Uroj me gjithe zemer qe emri i saj te miratohet nga i gjithe parlamenti pa asnje medyshje.Dhe ketu nuk kam parasysh banden Berishiste Non Grata dhe as nevojen per firmat e bandes se vogel lesheliste!Nje vendim pro saj nga parlamenti shqiptar do te ishte nje rikompensim e venie ne vend i figures se saj te paster,pas etiketimeve mafioze te brigantit kriminel vicidolas,sot Non Grata dhe kamikazeve te tij ne kete vend.Shqiperia e meriton te kete nje presidente qe dikur etiketohej si Silvia Conti nga Non Grata!
PërgjigjuEmri me i spikatur per presidente eshte me te vertete INA RAMA... zonje e verete, intelektuale me integritet te larte, teper profesionale dhe trimereshe. Do te jete nje mbrekulli qe zonja INA RAMA te jete presidente e Shqiperise....
Përgjigju