POP 5

Lajmet më të lexuara të 5 minutave të fundit

Politikë

Socialistët mbledhin grupin, të shqetësuar për kaosin e dhunën e demokratëve në Kuvend! Spiropali: Garda me plan të ri për të menaxhuar situatën

Partia Socialiste ka mbledhur këtë të hënë grupin parlamentar, teksa ka biseduar për nismat ligjore në Kuvend. Në mbledhje është diskutuar edhe për kaosin dhe dhunën e opozitës në Kuvend. Kryeparlamentarja Spiropali ka informuar deputetët se garda ka plan të ri masash për të menaxhuar më mirë situatën

TIRANË - Sot është mbledhur në Kryesinë e Kuvendit, grupi parlamentar i Partisë Socialiste.

Gazetarja Raziela Myslimaj raporton nga selia e Kuvendit se në mbledhjen e grupit janë diskutuar nismat e deputetëve socialistë që janë bërë publike edhe gjatë seancave plenare.

Në mbledhje është diskutuar edhe për situatën e fundit të ndodhur në Kuvend me opozitën.

Burime bëjnë me dije se deputeti Xhemal Qefalia ka ngritur shqetësimin në mbledhjen e grupit për incidentet e krijuara në 2 seancat e kaluara nga PD dhe ka kërkuar një menaxhim më të mirë të situatës nga shërbimet e sigurisë.

Mësohet se kryetarja e kuvendit, Elisa Spiropali ka informuar deputetët në mbledhje se Garda është duke hartuar një plan të ri masash për të menaxhuar më mirë situatën në parlament për të evituar skenat e seancës së fundit parlamentare.

Për socialistët mbetet i njëjti udhëzim si ai para nisjes së aksionit të deputetëve demokrat në parlament, që të vijojnë punën e tyre të pashqetësuar, pavarësisht aksionit të opozitës dhe akteve ekstreme të tyre.

Ndërkohë në kryeministri janë marrë masat e para, për fortifikimin dhe blindimin e dyerve përpara nisjes së protestës në orën 18:00.

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Deklarata e Samitit BE-Ballkani Perëndimor/ Kosova shpreh rezervat, Osmani: Pse nuk dënohet agresioni dhe terrorizmi i sulmit në Banjskë?

Deklarata e Samitit BE-Ballkani Perëndimor/ Kosova shpreh rezervat, Osmani: Pse nuk dënohet agresioni dhe terrorizmi i sulmit në Banjskë?

18 Dhjetor, 20:44