Parlamenti i ri i Nxënësve të Shqipërisë u mblodh sot në sallën e kuvendit. Në këtë takim të parë ishin të pranishëm Ministrja e Arsimit dhe Sportit, Evis Kushi, Kryetarja e Kuvendit të Shqipërisë, Lindita Nikolla, si dhe nxënës nga legjislatura e re dhe ajo e kaluar e Parlamentit të Nxënësve.
Ministrja Kushi në fjalën e saj theksoi se legjislatura e kaluar e Parlamentit të Nxënësve kishte një vlerë të madhe për sa i përket bashkëpunimit me njëri-tjetrin, një element që fatkeqësisht sipas Kushi në parlamentin e të rriturve mungon. Ajo tha se të njëjtin bashkëpunim të mirë e pret edhe nga pjesëtarët e rinj.
“Ka disa vlera që ne të rriturit duhet t’i mësojmë nga ju. Është pikërisht bashkëpunimi dhe harmonia që në parlamentin e të rriturve mungon”- theksoi Kushi.
Ministrja Kushi ka falënderuar Nikolla për kujdesin e saj të veçantë dhe vënien në dispozicion të infrastrukturës për këtë parlament, si dhe ka falënderuar deputetët e parlamentit të kaluar për kontributin e tyre. Pavarësisht periudhës së vështirë të pandemisë, ata dhanë ide të vlefshme dhe ishin shumë aktivë.
“Parlamenti i kaluar na dha shumë ide për mësimin online, nismën ‘Digjitalizo një Nxënës’, lufto kundër bullizmit dhe fenomeneve sociale”- shtoi Kushi.
Nisur edhe nga rastet e fundit, Ministrja Kushi ka kërkuar nga nxënësit bashkëpunim të ngushtë që për luftën kundër fenomeneve negative apo të dhunës të ketë edhe më shumë përfshirje dhe mbështetje, me qëllim identifikimin e rasteve në kohë sa më të shpejtë bashkë me mësuesit dhe me punonjësit Psiko-Socialë..
“Derën e Ministrisë së Arsimit do ta keni gjithnjë të hapur për të sjellë shqetësimet tuaja apo të bashkëmoshatarëve tuaj,”- tha ministrja.
Ajo shtoi se një fakt që bën përshtypje në këtë parlament është se 102 prej pjesëmarrësve, ose 73% e nxënësve, janë vajza. Për parlamentin e të rriturve ka qenë sfidë rritja e numrit të grave.
Kjo është legjislatura e dytë e këtij parlamenti me 140 pjesëmarrës, i cili shërben si një organ këshillimor pranë Ministrisë së Arsimit dhe Sportit, me fokus pjesëmarrjen aktive në proceset e vendimmarrjes dhe rritjes së cilësisë në procesit arsimor.
Komente
Lajme të tjera
-
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38 -
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Rama largon zv/ministren e Arsimit Nina Guga e zëvendëson me Orjana Osmanin drejtoreshë në gjimnazin 'Petro Nini'
18 Dhjetor, 17:52 -
Përplasje të ashpra tek Komisioni i Edukimit, Kushi: Më jep fjalën, të të vijë turp! Zhupa: As kam vjedhur, as kam qenë ministre
16 Dhjetor, 20:55 -
PS ndez motorët në Kukës, Majko: Opozita e vjetër destabilizuese, e reja populiste! Kushi: Më shumë angazhim për votën e diasporës
14 Dhjetor, 21:10
-
Akuza dhe dyshime për manipulim zgjedhjesh në atletikë, protagonistët mbledhje në Ministrinë e Arsimit dhe Sportit
28 Nëntor, 16:05
-
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30
