Dy javë e gjysmë pas masakrës në një shkollë fillore në Teksas, shumë njerëz në SHBA kanë kërkuar ligje më të rrepta për armët. Aleati i tyre është edhe Presidenti Biden.
Sipas organizatorëve, rreth 40.000 njerëz morën pjesë në "March for Our Lives" ("Marshimi për jetët tona") në Uashington, ku u zhvillua tubimi qendror për shtrëngimin e ligjeve për armët në SHBA. Shumë prej tyre mbanin parulla ku shkruante: "Mbroni fëmijët, jo armët" ose "Mendimet dhe lutjet nuk mjaftojnë". Protesta pati edhe në një sërë qytetesh të tjera në Shtetet e Bashkuara.
Arsyeja më e fundit për demonstratat ishte masakra në një shkollë fillore në qytetin e vogël Uvalde të Teksasit muajin e kaluar. Aty një 18-vjeçar ka qëlluar me armë zjarri 19 fëmijë dhe dy mësues. "Marshimi i parë për jetët tona” erdhi në vitin 2018 pas masakrës në një shkollë të mesme në Parkland (Florida). Atje, një person i armatosur 19-vjeçar vrau 14 adoleshentë dhe tre të rritur.
Manuel Oliver, i cili humbi djalin e tij në Parkland në atë kohë, foli edhe në mitingun në Uashington. Oliver u bëri thirrje studentëve që të qëndrojnë larg mësimit për të rritur presionin ndaj politikanëve. "Ne po bëjmë thirrje për një grevë mbarëkombëtare të nxënësve amerikanë në të gjitha nivelet e arsimit”, tha ai. Oliver i kërkoi presidentit amerikan Joe Biden të krijojë një Zyrë në Shtëpinë e Bardhë për Parandalimin e Dhunës me Armë.
"Mos nga zhgënjeni përsëri"
Biden u zotua për mbështetjen e protestuesve. Në kornizat e një vizite në Los Anxhelos, ai bëri thirrje që ligjet më të rrepta për armët të jenë një kriter vendimtar për votuesit në zgjedhjet e ardhshme në këtë vend. Në Twitter, Biden u bëri thirrje përsëri parlamentarëve që të miratojnë rregulla më të rrepta dhe të ndalojnë mbajtjen e pushkëve. "Ne nuk duhet ta zhgënjejmë prapë popullin amerikan."
Shtrëngimi i ligjeve për armët në SHBA ka dështuar në të kaluarën për shkak të kundërshtimit të republikanëve në Kongres. Demokratët e Bidenit kanë mandate të mjaftueshme për të kaluar një projektligj në Dhomën e Përfaqësuesve. Por në Senat, demokratët dhe republikanët kanë secili nga 50 vende. Miratimi i një ligji kërkon votat e 60 senatorëve - që do të thotë se çdo ligj ka nevojë për mbështetje dypartiake./DW
Lajme të tjera
-
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Shkodër/ U plagos me armë zjarri, vihet në pranga 24-vjeçari pasi dha kallëzim të rremë! Autori ende në kërkim
25 Dhjetor, 10:58 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
