POP 5

Lajmet më të lexuara të 5 minutave të fundit

Drejt Punës

Mbrojtja me fanatizëm e zanatit që mund të zhduket! Njihuni me opingbërësin krutan: Shiteshin nga 4-5 palë në ditë në kohën e diktaturës

Zanati i opingbërësit është drejt zhdukjes, por 77-vjeçari Haxhi Neziri e ruan me fanatizëm, duke qenë i fundit me këtë zanat në Krujë.  Neziri bën opinga me gomat e vjetra të makinave, por sot pakkush e di ekzistencën e tyre

Afro 60 vite vite punë mbi supe nuk e kanë kërrusur zanatçiun krutan, Haxhi Neziri. E gjejmë si çdo ditë në punishten e tij, duke riparuar këpucë, por pak kush e di se xha Haxhiu është dhe opingbërërs.

“Për herë të parë kam mësuar të bëj opinga që bëhen me gomat e makinës. Shiteshin nga 4-5 palë në ditë në kohën e diktaturës”

Haxhi Neziri, na tregon se mësoi të bënte opinga, me gomat e vjetra të makinave, në moshën 18-vjecare dhe deri në vitet ’90 punoi në ndërmarrjen artizanale. Me rënien e diktaturës, hapi dyqanin e tij në lagjen e vjetër “Abaze” të Krujës.

“Këto opinga rrojnë 1 deri në 2 vite. Kur ndërroi sistemi bleva një dyqan timin, ku punoj dhe sot”

Opingat, të llojeve horari dhe vaketi, që përdoreshin nga çobanët në male dhe punëtorët e guroreve. Ai nuk nguron të na tregojë proçeset e punës që nga prerja e gomave, të cilat i riciklon e deri tek qepja e e tyre.

“Do të presim gomonën e gozhdoj me thumba, më duhen 8 orë për ta qepur”, tha ai.

Sot Haxhi Neziri riparon këpucë, ndërsa opingat kërkohen shumë rrallë, madje thotë se palën e fundit e ka shitur para 1 viti.

“Kishin qejf turistët për të parë punën tonë dhe na kanë blere dhe opinga, por rrallë, palën e fundit e kam shitur para një viti. Tani merrem vetem me riparime”

77-vjeçari mban familjen me këtë zanat, të cilin ia ka trashëguar dhe të birit.

“Kam tre fëmijë, djalit ia kam mësuar zanatin, tani punon në fasoneri, kur të ngelem unë, do më zëvendësojë djali se dyqanin e kam timin. Ky zanat rehat nuk të bën por pa bukë nuk të le, mban shtëpinë, jeton normalisht”.

G.MO/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

30 Janar, 09:06