POP 5

Lajmet më të lexuara të 5 minutave të fundit

Shëndeti

Mbroni shëndetin me lëngun e gjetheve të manave

Çaji i manit është një thesar shijesh dhe vlerash, që përftohet nga gjethet e manave. Kjo pemë e rëndësishme rritet me bollëk në Shqipëri, por edhe në shumë vende të tjera të botës. Manat e zinj dhe ato të bardhë janë më popullorët
Mbroni shëndetin me lëngun e gjetheve të manave

Manat përveçse kanë një shije të veçantë, gjethet e tyre shërbejnë edhe si çaj

Çaji i manit është një thesar shijesh dhe vlerash, që përftohet nga gjethet e manave. Kjo pemë e rëndësishme rritet me bollëk në Shqipëri, por edhe në shumë vende të tjera të botës. Manat e zinj dhe ato të bardhë janë më popullorët në mesin e 10 kultivarëve të ndryshëm të këtij fruti.

Shqiptarët dhe lexuesit në veçanti janë të mirëinformuar, jo vetëm për shijen e mrekullueshme të manave, por edhe për vlerat shëndetësore të tyre. Tani, do të mësoni për karakteristikat e jashtëzakonshme të gjetheve të manave që mblidhen, thahen dhe më pas bëhen çaj. Gjethet e manave përdoren gjërësisht në mjekësinë popullore për problemet me shikimin, pastrimin e mëlçisë dhe forcimin e zemrës.

Sipas të dhënave këto gjethe ndihmojnë edhe për një paraqitje të shëndetshme të lëkurës, kundër kollës dhe të ftohtit, për qarkullimin e gjakut, apo kundër dhimbjeve të stomakut.

Vlerat shëndetësore të çajit të manave:
Sipas të dhënave, gjethet e manave përmbajnë 25 herë më shumë kalcium se sa qumështi. Për më tepër, ato përmbajnë edhe dhjetë herë më shumë fibër se çaji jeshil dhe më shumë hekur se spinaqi.

Minerale dhe antioksidantë
Antioksidantët si beta karoteni dhe acidi askorbik, gjenden me shumicë tek manat dhe gjethet e tyre. Ushqimet e pasura me beta karoten ndihmojnë në largimin e radikaleve të lira nga organizmi.

Ul nivelet e glukozës në gjak
Studimet në lidhje me diabetin kanë arritur në konkluzionin se niveli i glukozës në gjakun e pacientëve që pinin ekstrakt të manave, ulej ndjeshëm në dy orët e para pas pirjes së këtij ekstrakti.

Ul kolesterolin e keq
Çaji i gjetheve të manave ndihmon në uljen e triglicerideve dhe kolesterolit të keq, rrjedhimisht duke i ardhur në ndihmë zemrës.

Lufton të ftohtin
Çaji i gjetheve të manave përdoret për të trajtuar problemet me mëlçinë. Ai përdoret edhe kundër dhimbjeve të kokës, kollës, dhimbjeve të syve, etheve dhe acarimeve të fytit.

Ky çaj përdoret edhe për të zmbrapsur simptomat e të ftohtit dhe shmangur rritjen e baktereve.

Përmban magnez
Magnezi është thelbësor për funksionin e nervave, muskujve dhe zemrës.

Ai rrit energjinë e metabolizmit, forcon kockat, ndihmon sistemin imunitar, mban nën kontroll nivelet e sheqernave në gjak dhe ruan tensionin e gjakut në nivele normale.

Tonik për gjakun
Sipas të dhënave çaji i gjetheve të manave përmirëson qarkullimin e gjakut, e pastron atë dhe forcon sistemin në përgjithësi. Ky çaj qetëson nervat dhe pasuron gjakun. Ai pastron mëlçinë dhe forcon veshkat.

Si të përgatisni çajin e gjetheve të manave:
Zieni 250 ml ujë dhe më pas hidhni një lugë çaji me gjethe të thata manash. Ziejini së bashku për 3-5 minuta, kullojeni dhe shtoni ëmbëlsuesin e preferuar. AgroWeb

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43