Mbërrijnë dozat e para të vaksinave anti-COVID në Kosovë

Momenti i mbërritjes së vaksinave

Dozat e para të vaksinave antiCOVID-19 AstraZeneca nga COVAX, kanë mbërritur në Aeroportin Ndërkombëtar ”Adem Jashari” në Kosovë.

Bëhet fjalë për 24 mijë doza të vaksinës AstraZeneca. Kjo ardhje e vaksinave, do të përcillet me një ceremoni të organizuar, ku është pjesë edhe kryeministri Albin Kurti si dhe të tjerë përfaqësues zyrtarë të huaj e vendorë.

Ky kontingjent është në kuadër të 100.800 dozave të vaksinës së AstraZenecas që Kosova do të marrë falas nga programi COVAX, i Organizatës Botërore të Shëndetësisë.

Bashkimi Evropian po ashtu ka premtuar se do të sjellë në Kosovë vaksina kundër sëmundjes COVID-19. Kosova është vendi i fundit në rajon që do të nisë fushatën e imunizimit të popullsisë kundër koronavirusit.

Be.K./Shqiptarja.com
  • Sondazhi i ditës:

    Frika nga varianti Delta, a është momenti i vaksinimit me detyrim për kategori të caktuara të popullatës ?

Komento


×

Lajmi i fundit

John

Flutura Açka përlotet në 'Pa protokoll' për të birin e ndjerë: Njeri i bukur që më tregoi si përballohet vdekja