Raportimi i kryeredaktorit të RD, Bledi Kasmi, për lëndimin që mori në protestën e 26 majit, është shoqëruar me debate të ashpra mes maxhroancës dhe opozitës. Shumica parlamentare i është rikthyer 21 janarit të 2011-ës ku mbetën të vrarë 4 protestues të opozitës si dhe u plagos gazetari Fatos Mahmutaj.
Pikërisht kjo ka acaruar demokratët në komision të cilët nga ana tjetër akuzuan kryeministrin Edi Rama se ushtroi dhunë në protestën e 26 majit. Pas raportimit të Kasmit, deputeti socialist, Fidel Ylli kërkoi fjalën, por Vokshi i kërkoi të priste radhën. Ylli përmendi protestën e 21 janarit ku siç tha ai u plagos një gazetar, ndërsa katër kolegë të tjerë të tij u shpallën nga Sali Berisha puçistë pse ndodheshin në ambientet e një kafeje përballë Kryeministrisë.
Por i menjëhershëm ishte reagimi i Luçiano Boçit dhe gjatë debatit me Fidel Yllin ata i drejtohen njëri-tjetrit me fjalët 'rrugaç', 'halabak' dhe 'ordiner'.
Debati te komisioni i Medias:
Albana Vokshi: Ule zërin, ti mua nuk më bërtet. Distancohuni nga dhuna, e ka thënë edhe BE. Keni 24 ditë kohë, këshillojeni kryeministrin që të fillojë dhe të plotësojë kriteret, të mos ushtrojë dhunë, të mos mbyll portalet, distancohuni nga dhuna.
Ylli: Berisha shpalli puçistë katër gazetarë dhe i thirri në komision dhe hyri në lokal dhe i nxori me dhunë.
Vokshi: Ore po turp i madh, ai është me kokën e çarë ju vazhdoni akoma fajin e ka Saliu? Ça po thua, i ra gurit me kokë?
Fidel Ylli: Kjo është dhuna që i bëni ju si opozita mazhorancës në komision, unë ju dëgjova me vëmendje, i uroj shërbim të shpejtë gazetarit, kam pasur lokal që quhej bar “West” që rrinin gazetarët dhe i respektoj maksimalisht ata. Nuk kujtoj Saliun e parë apo të dytë, por kur qeveria e tyre i thërriti gazetarët puçistë, gazetari në fjalë urdhëroni te RD çfarë shkruan. Ky gazetar, shikojeni, dështojnë puçistët. Nuk ma mbyllni dot gojën mua, gazetari juaj nuk është gazetar.
Boci: A është për ty ajo?
Ylli: Mbylle gojën e rri urtë se me mua e ke të humbur.
Vokshi: Shumë mirë bëre, bravo, trego protestën e fundit dhe dhunën.
Ylli: Urdhëroni shkrimin këtu, ja ku i keni shkrimet.
Vokshi: Bini me këmbët tuaja, kush ta ka dhënë këtë është për Edi Ramën?
Vokshi: Mos bërtisni ju mo, kujt i bëni arrogantin këtu, ca jeni ju, ofendime ky? Çfarë thoni mo, o Fadil kujt po i bërtisni ju, ca kujton?
Ylli: Katër të vrarë në bulevard. Ju jeni vrasës.
Vokshi: Ul zërin, kë shantazhoni?!
Ylli: Ça i bëra, foli 40 minuta. Mos më ndërprit halabak.
Boçi: Ik mor legen.
Vokshi: Do flasësh apo të heq fjalën?
Ylli: Kujt ia heq, as ma heq fjalën ti.
Vokshi: Fol për dhunën aty, a do flasësh apo jo?
Ylli: Po nuk më le të flasë, sepse ju djeg.
Vokshi: Kujt i djeg, po ju shket pushteti nga këmbët, nuk na thoni dot ju neve vrasës, merr vesh, i ke vrarë ti bashkë me ata që ke mashtruar, nuk ju vjen rëndë.
Ylli: Po s’ma heq fjalën ti, duhet të dish një gjë që fjalët më të pista të miat janë më fal dhe të lutem, po të më thotë mua kolegu jot halabak, as ke shans të me heqësh fjalën ti.
Lajmi kryesor:
U lëndua në protestë, Kryeredaktori i RD para deputetëve: I vura duart rrjetës që të mos e shtynte policia
