POP 5

Lajmet më të lexuara të 5 minutave të fundit

Ekonomi

Mbyllen “Piramidat”, qeveria:
Paratë merren në 15 vjet

Qeveria bën gati procesin e mbylljes së mbikëqyrjes së Piramidave. Projektligji i votuar sot në mbledhje qeverie vendos që “grupi mbikëqyrës të shpërndahet. Vendimi: Kreditorët mund t’i marrin paratë në maksimumin kohor të 15 vjetëve. (Në foto: Trazirat në Shqipëri pas falimentimit të skemave piramidale, viti 1997)
Mbyllen “Piramidat”, qeveria:<br />Paratë merren në 15 vjet
TIRANË - Me një projektligj, të kaluar në mbledhjen e Këshillit të Ministrave, synohet mbyllja e procesit të kontrollit financiar të piramidave financiare, që kishin marrë para nga publiku i gjerë deri në vitin 1997, kur aktiviteti i tyre u ndalua me ligj.
Projektligji, në nenin 1, vendos që “grupi mbikëqyrës, i emëruar dhe që ka funksionuar në përputhje me ligjin nr.8215, datë 9.5.1997, “Për kontrollin financiar të personave juridikë jobankarë që kanë marrë hua nga publiku i gjerë”, të ndryshuar, shpërndahet”. Brenda 15 ditëve nga hyrja në fuqi e këtij ligji, grupi i mbikëqyrësve i dorëzon me procesverbal personit të emëruar nga ministri i Financave arkivën dokumentare, si dhe asetet financiare e jofinanciare, të krijuara deri në momentin e hyrjes në fuqi të këtij ligji.
Ministri i Financave emëron një administrator me një staf ndihmës për të mbuluar fazën finale të procesit, thuhet në këtë projektigj.


KTHIMI I PARAVE
Paratë që do të jenë të depozituara në bankat e nivelit të dytë, e cila realizon pagesat e kreditorëve të shoqërive, do të jenë në dispozicion të këtyre të fundit për një periudhë 5-vjeçare, nga hyrja në fuqi e këtij ligji. Pas këtij afati, të gjitha mjetet monetare të patërhequra do të depozitohen në një llogari të veçantë, të hapur nga Ministria e Financave, në një bankë të nivelit të dytë. Personat përfitues apo trashëgimtarët e ligjshëm të tyre, mund të kërkojnë, pranë Ministrisë së Financave, kalimin në llogarinë e tyre personale të shumave takuese, përkundrejt paraqitjes së dokumentacionit që provon të drejtat e ligjshme te tyre. Kjo e drejtë përfundon dhe parashkruhet me kalimin e afatit prej 10 vjetësh, nga hyrja në fuqi e këtij ligji.

(aq/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Spahiu: Altin Dumani me daljen në media sfidoi hapur presionet politike dhe mediatike! Ka fituar besimin e publikut dhe kanë qenë të suksesshëm

Spahiu: Altin Dumani me daljen në media sfidoi hapur presionet politike dhe mediatike! Ka fituar besimin e publikut dhe kanë qenë të suksesshëm

24 Nëntor, 17:37