Mbyllet në Velipojë etapa e parë
e aventurës Rally Albania 2015

Është zhvilluar ditën e sotme,  Etapa e 1 e garës Rally Albania 2015.

Pas kolaudimit paraprak në prologun e djeshëm ku konkurentët  testuan  gjendjen e mjeteve të tyre, sot nisi gara e vërtetë.

Me një itinerar i përzgjedhur me shumë kujdes nga organizatorët, nga Velipoja 150 garuesit e edicionin të 11-të patën fatin të përshkonin në 240 km një prej zonave më të  bukura të Thethit  dhe njëkohësisht ndër më të vështirat sa I takon kushteve  të terrenit.

Përfundimi i kësaj etape u  mbyll  përsëri në Velipojë në të cilën kohët më të shpejta në kategorinë e motorrave u regjstruan nga italiani Paolo Ceci duke lënë pas me një diferencë prej 5 sekondash Rob Smits që garon me Honda CRF450X. Ndërkohë kampioni në fuqi Andrea Cosentino ka mbajtur ritmin e kryesuesve  duke u pozicionuar i 3-ti pas kësaj etape.

Në kategorinë e makinave sot ndodhi për herë të parë gjatë zhvillimit të garës Rally Albania që në përfundmin të një etape të mos kishte asnjë pilot shqiptar në 3 pozicionet e para.

Makina  Polaris e Martin Dechent/Michael Hintz   ishte më e shpejta e etapës së 1, ndjekur nga italianët  Vincenzo Cangi/Paolo Manfredini dhe  Nissani  King Cab  i ekipit Tosenovsky Jr./Tosenovsky Sr.

Vetëm i  4 për kampionin shqiptar Renti Sina.  Po sot u regjistrua edhe aksidenti i parë i garës ku Olga Rouckova në hyrje të fshatit Prekal nuk arriti dot të kontrollonte quadin e saj. Për fatin e mirë të pilotes ceke, nuk kishte asnjë pasojë fizike.

Nesër është etapa Velipoje- Pogradec, e cila është  më e vështirea e garës, plot  510 km dhe do të vërë në provë rezistencën e secilit pilot pjesëmarrës në Rally Albania 2015.


FOTO


Redaksia Online
(al.h/shqiptarja.com)