KOSOVË- Shtetet e Bashkuara të Amerikës kanë kritikuar ashpër vendimin e fundit të qeverisë së Kosovës, për aksionin që ndërmori në veri për mbylljen e 5 komunave serbe paralele. Ndihmës Sekretari amerikan i Shtetit për Evropën, Jim O’Brien i quajti “të pakoordinuara dhe provokuese” veprimet e qeverisë Kurti.
“Shtetet e Bashkuara janë të shqetësuara nga veprimet e vazhdueshme të pabashkërenduara dhe provokuese të Qeverisë së Kosovës”, shkruajti O’Brien në një postim në platformën X.
O’Brien tha se Shtetet e Bashkuara i bëjnë thirrje “Kryeministrit Kurti dhe qeverisë së tij që të konsultohen dhe të bashkërendohen me komunitetin ndërkombëtar dhe të ndërpresin veprimet e pabashkërenduara që ndikojnë negativisht në partneritetin tonë”.
“Ne vlerësojmë punën e atyre, përfshirë EULEX-in dhe KFOR-in, që parandalojnë dhunën dhe bëjmë thirrje për vetëpërmbajtje të vazhdueshme nga të gjitha palët”, shprehet O’Brien.
Më herët edhe ambasada e SHBA në Tiranë kishte dënuar vendimin për mbylljen e 5 komunave paralele serbe, duke thënë se operacioni i Kosovës nuk ishte i bashkërenduar dhe se veprime të tilla po cenojnë marrëdhëniet SHBA-Kosovë.
Kosova mbyll 5 komuna paralele serbe në veri
Në një aksion të 30 gushtit, Kosova mbylli 5 komuna serbe paralele, një aksion që pritet të nxisë tensione të reja pasi qeveria e Kosovës është kritikuar nga perëndimi për “hapa të njëanshëm”. Nga aksioni u mbyllën, komuna paralele e Qarkut të Mitrovicës së Kosovës, komuna paralele e Mitrovicës, ajo e Zveçanit, komuna paralele e Zubin Potokut dhe komuna paralele e Leposaviçit.
Policia e Kosovës, tha se operacioni në veri të vendit u zhvillua për të ndërprerë veprimtaritë në “pesë objekte të cilat janë shfrytëzuar në cilësi të komunave ilegale, e të cilat janë në kundërshtim me rendin juridik kushtetues”. Më herët gjatë këtij viti, autoritetet mbyllën shtatë komuna të tjera paralele serbe në pjesë tjera të vendit.
Beogradi dënon aksionin e autoriteteve kosovare
Kryeministri i Serbisë, Millosh Vuçeviç, ka kërkuar "reagim urgjent" dhe "më të ashpër" nga bashkësia ndërkombëtare. Vuçeviç tha se Serbia ka dërguar një mesazh të qartë se "avokon fuqishëm për paqen dhe stabilitetin" në rajon, por se “nuk do të lejojë dhunë dhe masakër kundër popullit të saj”, thuhet në një njoftim të Qeverisë së Serbisë.
Kryetari i Listës Serbe, Zllatan Ellek, tha se "u pa qartë se Kurti nuk i do serbët në Kosovë. Kjo është një përpjekje tjetër për spastrimin etnik të serbëve nga Kosova, e para së gjithash nga veriu". Drejtori i Zyrës për Kosovën në Qeverinë e Serbisë, Petar Petkoviç, tha se mbyllja e institucioneve serbe në veri të Kosovës do të ketë “pasoja të gjera në normalizimin e marrëdhënieve ndërmjet Beogradit dhe Prishtinës”.
Kosova i cilëson institucionet komunale të emëruara nga Beogradi të paligjshme. Mbyllja e institucioneve paralele serbe është paraparë me marrëveshjen e vitit 2013, për normalizimin e marrëdhënieve Kosovë-Serbi, por zbatimi i saj ka ngecur.
Trupa e automjete të shtuara të KFOR-it janë parë të shtunën në mëngjes mbi Urën e lumit Ibër. Arsyeja e vendosjes së tyre ka të bëjë më një trajnim që karabinierët italianë janë duke e mbajtur.
“Është një situatë krejtësisht normale për KFOR-in përveç se ka rastis që të jetë sot e shtune dhe ku ne po zhvillojmë një trajnim për situata të caktuara mbi urën kryesore të Ibrit. Kjo është arsyeja pse sot qytetarët po shohin numër më të madh të pjesëtarëve të KFOR-it dhe po iu duket se gjendja është e tensionuar. Po e përsëris situata është krejtësisht normale për neve KFOR-in”, ka thënë një burim brenda KFOR-it italian për Kosovapress.
Rritja e pranisë mbi këtë urë vjen një ditë pasi autoritetet e Kosovës mbyllën pesë komuna paralele serbe në veri të Kosovës. Aksioni është kritikuar nga bashkësia ndërkombëtare, e cila i ka bërë thirrje Qeverisë së Kosovës që të mos ndërmarrë veprime të njëanshme dhe të pakoordinuara.
Bashkimi Evropian është shprehur “i zhgënjyer” nga mungesa e vazhdueshme e koordinimit e Kosovës me partnerët ndërkombëtarë dhe ata të sigurisë.
Zëdhënësi i BE-së, Peter Stano, tha se aksioni i 30 gushtit, i ndërmarrë nga autoritetet e Kosovës për mbylljen e pesë komunave paralele serbe në veri të Kosovës, “vë në rrezik situatën e brishtë të sigurisë në terren”.
Sipas tij, ky aksion “mund të çojë në përshkallëzim të mëtejmë të situatës veçse të paqëndrueshme”.
“BE-ja dëshiron të përsërisë se Kosova është e përkushtuar për ulje të tensioneve. BE-ja vazhdimisht i ka bërë thirrje Kosovës që të shmangë çdo veprim që mund të ndikojë negativisht në sigurinë e njerëzve në terren. Fatkeqësisht, thirrjet tona janë shpërfillur nga Qeveria e Kosovës”, tha Stano.
Sipas Stanos, mbështetja e Serbisë ndaj institucioneve paralele në veriun e Kosovës, parashihet “të adresohet dhe zgjidhet në kuadër të dialogut që ndërmjetësohet nga BE-ja”.
“Ne presim që Kosova dhe Serbia të zgjidhin çështjet e hapura mes tyre në dialogun që ndërmjetësohet nga BE-ja”, tha Stano.
Ambasadori i Britanisë së Madhe në Kosovë, Jonathan Hargreaves ka reaguar lidhur me aksionin e djeshëm (30 gusht) në veri të Kosovës, ku u mbyllën pesë komuna serbe paralele.
Hargreaves, përmes një postimi në platformën X, ka shkruar dje se veprimet e tilla kërkojnë konsultim të kujdesshëm me miqtë e palëkundur të Kosovës dhe partnerët e sigurisë, sepse sipas tij, rrezikojnë të nxisin tensione.
“Veprimet që ndikojnë thelbësisht në mirëqenien e serbëve të Kosovës dhe të komuniteteve të tjera joshumicë kërkojnë konsultim të kujdesshëm me miqtë e palëkundur të Kosovës dhe partnerët e sigurisë, në kontekstin e dialogut më të gjerë. Veprimet e sotme në veri të Kosovës u kryen pa këtë dhe rrezikojnë të nxisin tensione dhe të prekin më të cenuarit”, ka shkruar Hargreaves.
Policia e Kosovës ka zhvilluar një operacion për ndërprerjen e aktiviteteve në pesë objekte që janë shfrytëzuar nga komunat ilegale. Policia e Kosovës ka njoftuar se aksioni është realizuar bazuar në kërkesën e Ministrisë së Administrimit dhe Pushtetit Lokal, në bashkëpunim dhe koordinim me institucionet përkatëse të Kosovës dhe organeve të drejtësisë./Kosovapress
Komente
Lajme të tjera
-
Zgjedhjet në Kosovë/ Emigrantët do të votojë në ambasada dhe në konsullata
18 Dhjetor, 13:30 -
Grupi i trafikut të armëve Shqipëri-Kosovë, zbulohen detajet e operacionit! Ja si i bëri Policia blerjet me agjentë të infiltruar dhe roli i taksistit
18 Dhjetor, 13:09
-
VIDEOLAJM/ Donald Trump ndryshon modelin e flokëve
18 Dhjetor, 12:37 -
Dialogu/ Laçak flet pas takimeve në Bruksel: Të themelohet Asociacioni, Serbia të njohë simbolet e Kosovës
18 Dhjetor, 11:20 -
Non grata nga SHBA/ Maqedonia e Veriut kërkon arrestimin e Artan Grubit, shpallet në kërkim ndërkombëtar
18 Dhjetor, 11:12 -
Veto Surroi: Dhjetori i demokracisë dhe një shenjë normaliteti
18 Dhjetor, 09:52
-
Nju Jork/ Guri-tabelë i gdhendur i Dhjetë Urdhërimeve del në ankand, është 1500 vite i vjetër! (VIDEO)
18 Dhjetor, 09:46 -
VIDEOLAJM/ Parashqevi Simaku shfaqet me një pamje të re
18 Dhjetor, 09:32 -
New Yorku qyteti më i pasur në botë, arsyet që e bëjnë metropolin financiar të globit
18 Dhjetor, 08:28 -
Spiunimi i BIA-s, Serbia në 'burgun digjital'
18 Dhjetor, 08:22 -
‘Ajo do djalin’, Elton Ilirjani për Parashqevi Simakun: Kam frikë mos do të na ikë, i biri s’do ta takojë
17 Dhjetor, 20:51 -
Koha kur Parashqevia nisej në Korçë për koncert, por përfundonte maleve në zbor
17 Dhjetor, 20:44
Fjala e pavarur paska kuptim tjeter per ndrkombetaret.
PërgjigjuTurp per vendet e perendimit! Te favorizosh ardhacaket serbe perpara shtetit te Kosoves eshte si ti hedhesh benzine zjarrit! Albin Kurti ben mire qe ndonje ambasador ta shpalle "non grata" per Kosoven! Tu behet mesim!
Përgjigju