Të hënën samiti i Procesit të Berlinit në Tiranë, ministri Hasani: Për herë të parë zhvillohet jashtë BE, do ketë rezultate konkrete

Ministri i Jashtëm Igli Hasani, ka folur për samitin e procesit të Berlinit që do të zhvillohet më 16 tetor në Tiranë. Duke folur në konferencën parlamentare mbi “Rolin e Parlamentit në Procesin e Berlinit”, Hasani thotë se nga ky samit do të dalin me rezultate konkrete dhe marrëveshje të reja për vendet e Ballkanit Perëndimor.

"Në aspektin politik të jemi të bashkuar dhe të shohim para, se është e vetmja mënyrë se si ky rajon mund të ecë dhe të integrohet. Duhet të lërë mbrapa narrative politike. Dy vite më parë u krijua një zonë e lirë romaning, që nga 1 tetori patëm uljen e tarifave. Për të sjellë edhe një shembull domethënës, korridoret e gjelbra që ishin jetike gjatë pandemisë për të mbajtur gjallë tregtinë, marrëveshjet që u mundësojnë njerëzve të udhëtojnë më lehtë. Javës tjetër do i bashkohen edhe rezultate e samitit të datës 16 tetor. Hera e parë që mbahen në rajon, do dalë me rezultate konkrete. Padyshim kanë nevojë për përfshirjen e parlamenteve. Kuvendi i Shqipërisë ka një ekspertizë shumë të mirë. Do japin rezultate konkrete dhe do përmirësojnë arritjet e procesit të Berlinit", tha Hasani. 

LEXO EDHE:
Sistemi autonom i armëve, Hasani në konferencën e Vjenës: Përdorimi vetëm mbi bazën e ligjeve ndërkombëtare

Lajmi kryesor:

Soreca: Nevoja e zgjerimit të BE më e madhe se kurrë, Ballkani është pjesë e unionit! Hasani: Të hënën në samitin e procesit të Berlinit rezultate konkrete

SI.E./Shqiptarja.com

TAG:
• Luigi Soreca
• samiti i berlinit ne tirane
• igli hasani