Një 32-vjeçar i quajtur Erion Sherro është arrestuar nga policia në Pogradec pasi po transportonte dru pa lejen përkatëse.

Më konkretisht 32-vjeçari nga fshati Vërdovë është ndaluar për verifikim në afërsi të fshatit Pleshisht, ku po udhëtonte me mjetin tip benz me 20 m³ lëndë drusore. Nga verifikimi rezultoi se Sherro nuk kishte lejen përkatëse për diçka të tillë, por jo vetëm kaq. Ai po e drejtonte mjetin edhe në gjendje të dehur.

Në vijim të procedurave është sekuestruar në cilësinë e provës materiale sasia e lëndës drusore, ndërsa 32-vjeçari tani do të përballet në gjykatë me disa akuza.