TIRANË- Kryebashkiaku i Tiranës, Erion Veliaj do të jetë të premten në seancën publike që do të mbahet në Gjykatën Kushtetuese, ku do të shqyrtohet ankimi i tij për vendimin e qeverisë për shkarkimin nga detyra.
Kushtetuesja më datë 9 tetor i ka dërguar shkresë Erion Veliaj në qeli, si palë në proces, duke e pyetur nëse do që të jetë i pranishëm në seancë. Ndërkohë, më datë 13 tetor kanë informuar Drejtorinë e Burgjeve "duke e vënë në dijeni për datën dhe orën e zhvillimit të seancës plenare publike, si dhe marrjen e masave për shoqërimin e Veliaj në rast se do të shprehej vullneti për marrjen pjesë personalisht në gjykim".
Pasi është marrë konfirmimi nga Veliaj, Kushtetuesja thotë se kanë njoftuar edhe SPAK. Burime pranë saj thonë për Shqiptarja.com se në një rast të tillë e gjithë procedura ndiqet dhe zbatohet nga Burgjet dhe se nuk ka nevojë për leje nga Prokuroria e Posaçme.
“Gjykata Kushtetuese, bazuar në nenet 21, pika 1 dhe 38, pikat 1 dhe 2 të ligjit nr. 8577, të ndryshuar, me shkresën nr. 28 (E) 2025 Regj.Them, datë 09.10.2025, ka njoftuar kërkuesin Erion Veliaj për datën dhe orën e zhvillimit të seancës plenare publike në 31.10.2025.
Gjithashtu, ju informojmë se Gjykata Kushtetuese me shkresën nr. 28 (E) 2025 Regj.Them, datë 13.10.2025, ka njoftuar Drejtorinë e Përgjithshme të Burgjeve duke e vënë në dijeni për datën dhe orën e zhvillimit të seancës plenare publike, si dhe marrjen e masave për shoqërimin e zotit Erion Veliaj në seancën plenare publike në rast se do të shprehej vullneti për marrjen pjesë personalisht në gjykim.
Në vijim, në datën 20.10.2025, pas shprehjes së vullnetit të kërkuesit, Gjykata ka njoftuar edhe Prokurorinë e Posaçme kundër Korrupsionit dhe Krimit të Organizuar në lidhje me sa më sipër”, njofton kushtetuesja.
Erion Veliaj ankimoi në Kushtetuese shkarkimin e tij më 25 shtator nga qeveria, pas propozimit nga Këshilli Bashkiak. Më 1 tetor, Presidenti Bajram Begaj dekretoi zgjedhjet e pjesshme edhe për Tiranën, por ky dekret u pezullua me vendim të ndërmjetëm nga gjykata Kushtetuese deri në shprehjen përfundimtare për shkarkimin e Veliajt.
Komente
Lajme të tjera
-
Zëvendësimi i Sonila Bejtjes, lista e 10 kandidatëve për gjyqtarë në Gjykatë Kushtetuese (EMRAT)
4 Dhjetor, 15:43
-
‘Drejtësi në kafaz’, avokatët në Report Tv: Kush s’merr dënim, s’duhet të jetë nën masa të rrepta! Kërkesa e Veliajt dhe Metës e drejtë
4 Dhjetor, 15:35 -
Pse s'e shkarkon Ballukun? Rama: Do krijonte problem për të nesërmen, 'miu' i zhbalancimit të pushteteve do kthehej në 'ujk' kundër qeverisë (VIDEO)
4 Dhjetor, 14:40 -
Lorenc Vangjeli: Kriza politike nuk zgjidhet me mjete juridike
3 Dhjetor, 17:40
-
Çështja 'Balluku', Rama: Nga pezullimi është bllokuar nisja e fluturimeve me Kanadanë! Kushtetuesja shtyn seancën më 12 dhjetor
3 Dhjetor, 15:44 -
Pas Veliajt, edhe Meta kërkesë në GJKKO: Mos më mbani në kafaz gjatë seancave, s'do marr pjesë derisa të hiqet kjo masë poshtëruese
3 Dhjetor, 14:56
-
Pezullimi i Ballukut/ Kthupi në 'Repolitix': Kushtetuesja duhet që të shprehet! Bregu: Nëse e rrëzon, do ishte humbja e parë për SPAK-un
2 Dhjetor, 22:36 -
Përfundimi i mandatit të Holta Zaçajt, Gjykata Kushtetuese hap procedurën për zgjedhjen e kryetarit të ri
2 Dhjetor, 19:08 -
Çështja Balluku në Kushtetuese, avokati Duraj për Report Tv: GJKKO ka të drejtë në vendimin për pezullim! Rama po luan me dy standarde
2 Dhjetor, 14:49 -
Çështja 'Balluku', Rama: Mbështetës i paepur i drejtësisë, por vendimi i GJKKO ishte si rrëzimi i fëmijës që sapo nis të ecë
2 Dhjetor, 13:30 -
Fjala e plotë/ Veliaj në GJKKO: Vendosja ime në një kafaz, trajtim poshtërues! Më është mohuar e drejta për t'u njohur me aktet e dosjes
2 Dhjetor, 10:17 -
Pezullimi i Ballukut, s’ka unanimitet në Kolegjin e Kushtetueses! Ankimi i qeverisë i kalon Mbledhjes së Gjyqtarëve, do vendosin nëse kalon për shqyrtim
2 Dhjetor, 08:04
Te pakten do e shohi Tiranen qe e zbukuroi nga vrimat e furgonit te blinduar. Keqardhje qe nje politikan si EV iu perdhos puna disa vjeçare. Shpresoj qe te kete nje gjykim dhe te kuptojme se per çfare akuzohet.
Përgjigju