POP 5

Lajmet më të lexuara të 5 minutave të fundit

Kronikë

Meçaj: Nuk ka funksionar shteti
që e ndalon kryeministrin

E pyetur nga "Shqiptarja.com" nëse Ministria e Arsimit duhet të ndërhyjë në këtë situatë, Vjollca Meçaj shprehet se në Shqipëri asnjë funksionar s'e ka forcën ta bëjë një gjë të tillë, ndaj i mbetet mësuesit që të bëjë një punë sqaruese me nxënësit.
E pyetur nga "Shqiptarja.com" nëse Ministria e Arsimit duhet të ndërhyjë në këtë situatë, Vjollca Meçaj shprehet se në Shqipëri asnjë funksionar s'e ka forcën ta bëjë një gjë të tillë, ndaj i mbetet mësuesit që të bëjë një punë sqaruese me nxënësit.

"Sigurisht institucionet arsimore janë përgjegjëse për të garantuar depolitizimin e tyre, por realisht në Shqipëri zor se gjen një funksionar të shtetit që do të guxonte të ndalonte Kryeministrin në veprime të tilla, qoftë dhe paraprakisht. Gjithsesi, iu duhet bërë thirrje arsimtarëve, që së paku, pas fjalimit të kryeministrit, përpara nxënësve, në orët e mësimit në vazhdim t'i sqarojnë ata se prindërit e tyre janë të lirë të votojnë sipas vullnetit të tyre dhe se të ndërhysh në këtë drejtim është sa antidemokratike aq edhe joligjore", - thotë Meçaj.

Ndërsa përsa i takon medias dhe shoqërisë civile, vjollca Meçaj thotë se ne duhet të reagojmë karshi shfaqjeve të tilla dhe për këtë mund t'i referohemi dhe vërejtjeve që OSBE/ODHIR kanë bërë në vazhdimësi, nëpërmjet raporteve të tyre lidhur me zhvillimin e proceseve zgjedhore në vendin tonë. "Përfshirja e të miturve dhe e institucioneve publike, veçanërisht atyre arsimore, në fushata politike dhe zgjedhore, përbën një vërejtje të artikuluar në mënyrë eksplicite në këto raporte", - përfundon shpjegimin e saj drejtorja e Komitetit Shqiptar të Helsinkit në lidhje me deklaratat politike që së fundmi kryeministri i vendit po bën në çdo shkollë ku shkon për ceremoninë e inaugurimit.
(ek/sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Kosovë/ Kryeministri Kurti takohet me zëvendëssekretarin e SHBA-ve, Richard Verma

Kosovë/ Kryeministri Kurti takohet me zëvendëssekretarin e SHBA-ve, Richard Verma

10 Janar, 16:04