Avokatja dhe notarja shqiptaro-australiane Eva Buzo është rikthyer sërish në Vlorë për të realizuar një tjetër sfidë sportive në ujërat e Jonit. Ajo ju bashkua protestës së banorëve në Zvërnec kundër resortit.

Notarja e rekordeve u nis me not nga Radhima, përshkroi me not ishullin e Sazanit dhe mbërriti në plazhin e Dalanit në Zvërnec duke thirrur atdhe.

"Shpresoj që të mbetet e paprekur dhe që të gjithë shqiptarët të mund të vazhdojnë të shijojnë natyrën e bukur që kanë. Faleminderit shumë që erdhët dhe jam vërtet mirënjohëse ndaj aktivistëve që mbështetën këtë nismë. Jam këtu për të dhënë mbështetjen time për njerëzit e mrekullueshëm të Shqipërisë, të cilët po përdorin zërin e tyre për të folur për çështjet që kanë rëndësi për ta. Është shumë e rëndësishme që të dëgjojmë të rinjtë, të mbrojmë mjedisin tonë dhe t’u kërkojmë llogari qeverive tona", tha ajo. 

Dy vite më parë, Buzo tërhoqi vëmendjen e opinionit publik, kur realizoi me not distancën nga brigjet e Italisë drejt Karaburunit.


Lajmi kryesor:

‘Mbrojmë Nartën’, protestë në Zvërnec kundër ndërtimit të resortit! Qytetarët: I japim zë flamingove, të anulohet projekti! Kauzës i bashkohet me not edhe Eva Buzo: Jam këtu për suport (VIDEO)