‘Më kontaktoi një nga klubet më prestigjioz në botë’, Pioli flet si trajner i Milanit

Pas firmës së hedhur në kontratë Stefano Pioli është prezantuar sot zyrtarisht si trajneri i ri i Milanit. 53-vjeçari që më herët ka drejtuar Interin ka marrë vendin e Giampaolos, trajnerit të shkarkuar nga drejtuesit e ‘djallit’ pas shtatë javësh. Me klubin kuqezi Pioli ka nënshkruar një kontratë 2-vjeçare me 1.5 mln euro në sezon, ndërsa në rast kualifikimi në Champions League do të marrë edhe 500 mijë euro në formë bonusesh.

Fjalët e tij të para si trajneri i Milanit ishin: “Jam entuziast për këtë aventurë. Më kontaktoi një nga klubet më prestigjioze në botë. Jam i bindur që mund të bëj një punë të shkëlqyer, së bashku me drejtuesit që besuan te unë.”

Pioli bëri edhe një koment për tifozët e Milanit të cilët e kanë kritikuar për deklaratat kur trajneri drejtonte Interin: “E kaluara është e kaluar, unë jam një profesionist, me dëshirën e madhe për të bërë mirë. Gjykimet mi jepni në fushë, jo se si kam qenë unë si fëmijë.”

Ne.k./Shqiptarja.com
Komento