Sot u prezantua Strategjia Ndërsektoriale për Mbrojtjen e viktimave 2024-2030. në konferencë morën pjesë, ministri i Brendshëm Taulant Balla dhe ministri i Drejtësisë, Ulsi Manja të cilët vunë theksin tek nevoja për të marrë masa shtesë për mbrojtjen e viktimave të dhunës në vend, një plan që do të nisë nga Tirana e më tej do të zgjerohet në qytetet e tjera.
Mes të tjerash, ministri i Brendshëm, Taulant Balla foli për krijimin e një regjistri të personave që kanë qenë viktimë e trafikimit të paligjshëm drejt Britanisë dhe mbështetjen që do u afrohet atyre. Ai tha se me ndihmën e qeverisë britanike po krijohen sipërmarrje në Kukës dhe Dibër ku shtoi se të rinjtë e kanë shumë më fitimprurëse të merren me blegtori sesa të merren me veprimtari të paligjshme në Britaninë e Madhe.
“Me qeverinë britanike pas marrëveshjes së vitit të kaluar mes kryeministrit Rama dhe kryeministrit Sunak ne po ndërtojmë një regjistër të personave që kanë qenë viktima të këtij trafikimit të paligjshëm dhe me mbështetjen e qeverisë britanike dhe autoriteteve vendore po krijojmë sipërmarrje të suksesshme në Kukës, Dibër. I bie më mirë të rrisësh delet në Kukës e Dibër sesa të shkosh të punosh shtëpi bari në Britaninë e madhe'. Këto lloj projektesh do i mbështesim dhe fuqizojmë' tha Balla.
Balla e cilësoi si emergjente situatën me shfaqjen e dhunës që nga rrjetet sociale e në shkolla, e deri në Kuvend, ku ministri nënvizoi përdorimin e dhunës ndaj ligjvënësve.
“Si mund të mbrohet një viktimë e dhunës seksuale nëse shteti nuk bëhet mbrojtësi i saj? Jemi në kushtet e një situate emergjente, që kërkon ndërhyrje. Duhet të bëhemi të gjithë bashkë, të krijojmë një koalicion kombëtar të të gjithë aktorëve, të shoqërisë civile dhe të medias.Ka forma të caktuara dhune dhe në Kuvendin e Shqipërisë, jo fishekzjarrët dhe tymueset, por për gjuhën. Gjuha ndaj vajzave dhe grave në Kuvend, kjo përçohet dhe në shoqëri. Flas për bullizmin në shkolla”, tha Balla.
Ministri i Brendshëm, Taulant Balla ndërkohë që foli për viktimat e dhunës çfarëdo lloj forme qoftë ajo, theksoi se nevojitet një koalicion kombëtar për të reaguar kundër këtij fenomeni në vend.
Ai mori disa shembuj, duke përmendur se edhe në Kuvend ka dhunë, siç është gjuha e përdorur ndaj ligjvënësve.
“Si mund të mbrohet një viktimë e dhunës seksuale nëse shteti nuk bëhet mbrojtësi i saj? Jemi në kushtet e një situate emergjente, që kërkon ndërhyrje.
Duhet të bëhemi të gjithë bashkë, të krijojmë një koalicion kombëtar të të gjithë aktorëve, të shoqërisë civile dhe të medias.
Ka forma të caktuara dhune dhe në Kuvendin e Shqipërisë, jo fishekzjarrët dhe tymueset, por për gjuhën. Gjuha ndaj vajzave dhe grave në Kuvend, kjo përçohet dhe në shoqëri. Flas për bullizmin në shkolla”, tha Balla.
Ministri i Drejtësisë Ulsi Manja ka prezantuar sot strategjinë për mbrojtjen e viktimave të krimit për periudhën kohore 2024-2030. Gjatë fjalës së tij, ministri Manja është shprehur se kjo çështje është në fokus të shërbimeve juridike falas dhe se po marrin masa shtesë për mbrojtjen e viktimave të krimit.
Ministri Manja ka deklaruar se objektivi kryesor i kësaj strategjie është adresimi i fragmentimit të mbrojtjes së viktimave të veprës penale në tërësi si dhe të viktimave me nevoja specifike mbrojtje. Më tej ministri i Drejtësisë tha se fillimisht projekti pilot do të nisë nga Tirana, pastaj do të zgjerohet në njësitë e tjera vendore.
‘Objektivi madhor i kësaj strategjie është: adresimi i fragmentimit të mbrojtjes së viktimave të veprave penale në tërësi, si dhe viktimave me nevoja specifike mbrojtjeje. Kjo strategji qartëson zinxhirët e përgjegjësisë dhe mjetet për realizimin eficent të të gjithë procesit të trajtimit dhe mbrojtjes së viktimës, duke nisur nga informimi i viktimës, trajtimi me dinjitet i saj, parandalimi i viktimizimit dytësor dhe riviktimizimit, mbështetja dhe mbrojtja për viktimat në çdo fazë të procesit dhe kur është e nevojshme, edhe pas përfundimit të procesit penal.
Një prej prioriteteve tona kyçe është rritja e besimit të viktimave te drejtësia, si lajtmotivi që shoqëron të gjithë masat tona në kuadër të zbatimit të reformës në drejtësi. Masat e parashikuara në Strategji synojnë pikërisht krijimin e një mjedisi miqësor për raportimin e krimit, heqjen e barrierave për raportimin e krimit, shtimin e procedimeve penale, hetime më efektive dhe dënime penale proporcionale me rrezikshmërinë e veprave penale, dhe një sistem që garanton siguri për viktimën.
Strategjia prioritizon drejtësinë restauruese dhe ndërmjetësimin autor – viktimë, si mjete që kanë potencialin të kontribuojnë në ndërtimin e një shoqërie të paqshme.
Ky plan lokal është parashikuar si një projekt pilot në bashkinë e Tiranës, si bashkia më e madhe. Duke vëzhguar ecurinë e zbatimit të Strategjisë, do ta shtrijmë më tej edhe në njësitë e tjera vendore.
Në të gjitha këto aspekte, rritja e ndërgjegjësimit të qytetarëve në luftën kundër fenomeneve shkaktare dhe mbrojtjen e viktimave të krimit mbetet jetike; ndaj duke nisur nga viti i ardhshëm do të fillojmë me organizimin e javës së dedikuar në mbrojtjes të viktimave të krimit, përkatësisht në shkurt të çdo viti, nën udhëheqjen e Ministrisë së Drejtësisë.’- tha Balla.
Komente
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Balla pret Presidentin e Institutit Italian për Kujdesin e Punëtorëve, në fokus të drejtat e punëmarrësve shqiptarë në Itali
6 Dhjetor, 14:23 -
Sfidat e procesit të zbatimit të rekomandimeve nga institucionet e pavarura, Balla: Zbatueshmëria është në rritje, të adresojmë problemet!
4 Dhjetor, 15:03 -
Berisha kërkoi 1 minutë heshtje për profesor Repishtin, Balla e 'shigjeton': Fyerje, vite më parë e akuzove si spiun të Sigurimit (VIDEO)
3 Dhjetor, 16:48 -
Balla takim me ish-kryeministrin grek Jorgos Papandreu, në fokus forcimi i bashkëpunimit dypalësh mes vendeve dhe dialogu politik
2 Dhjetor, 20:07 -
Monitoruesit e Këshillit të Europës në Tiranë, Spiropali: Dalja nga monitorimi, rezultat i reformave! Balla: Prioritet lufta kundër korrupsionit dhe krimit të organizuar
2 Dhjetor, 10:49 -
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë
18 Nëntor, 18:48
Me mire dele se kanabis,me kusht qe fitimet nga delet te jene me te larta se ato nga kanabisi.
PërgjigjuMe mire pastroj nevojtoret e Evropes se jetojne nue vend pa shtet ne mes hajduteve qe te rjepin nga mengjesi deri ne darke kudo qe te shkosh.
PërgjigjuMe mire te rritesh dele ne Librazhd sesa te behesh minister i brendshem.....
PërgjigjuE forte kjo or teeeejjjjj