‘Më ndihmoni’, shqiptarja sulmohet brutalisht me thikë nga ish-burri në Angli pasi la fëmijët në shkollë

 Një ngjarje e rëndë është regjistruar në Luton të Anglisë, ku një grua shqiptare është sulmuar brutalisht me thikë nga ish- bashkëshorti i saj. Sipas Daily Mail, shqiptarja sapo kishte lënë fëmijët e saj në shkollë rreth orës 08:30 të mëngjesit të sotëm, kur u sulmua nga ish-burri në mes të rrugës.

Ai e kapi prej fyti dhe i vendosi dorën në gojë që ajo të mos bërtiste. Policia e Bedfordshire konfirmoi se ajo u dërgua në spital ndërsa ka pësuar lëndime të rënda, ndërsa burri u arrestua më pas nga policia. Qytetarët që ndodheshin aty tregojnë se si ndodhi ngjarja.

“Ishte e tmerrshme, brutale. Gruaja u ndoq në rrugë nga një burrë, më pas ai e goditi atë disa herë me thikë në të gjithë trupin e saj duke e bërë atë të rrëzohej në tokë”, tha një vendas.

LEXO EDHE:
Angli/ Shqiptari nxirret nga psikiatria dhe dëbohet me avion charter drejt Tiranës

Ata thanë se viktima kishte pasur probleme me një ish-bashkëshortin.

“E pashë gruan të shtrirë në trotuar. Ajo po qante dhe bërtiste "më ndihmo, më ndihmo". Ajo gjithashtu bërtiste “Po më humb gjak”. Unë njoh njerëz afër vendit ku ajo jeton dhe mesa duket është me origjinë nga Shqipëria. Ajo jeton me fëmijët e saj që shkojnë në shkollën lokale. Gruaja ka pasur probleme me  ish-bashkëshortin, ai u bë i dhunshëm dhe agresiv”, tha ajo.

S.B/Shqiptarja.com

TAG:
• sulmohet gruaja
• angli