POP 5

Lajmet më të lexuara të 5 minutave të fundit

Sociale

‘Më ndihmoni të jetoj!’ Apeli i 33 vjeçarit të sëmurë! S’ka para të udhëtojë nga Maliqi në Korçë për të kryer dializën

Një i ri nga Maliqi nuk ka mundësi të udhëtojë tre here në javë drejt Korçës për të kryej seancat e dializës për shkak të gjendjes së vështirë ekonomike. Desmir Seferi jeton në një banesë të rrënuar dhe ushqimet i merr me para borxh. Përmes Report tv, 33-vjeçari apelon për ndihmë, pasi nuk ka përballon dot koston e transportit.

KORÇE - Desmir Seferi prej 11 vitesh është me dializë pasi veshkat nuk e kryejnë funksionin e filtrimit të gjakut. 33-vjeçari jeton në kushte të mjerueshme me vëllanë e kunatën në fshatin Podgorie të Maliqit. Shtëpia është krejtësisht e rrënuar dhe rrezikon t’i zërë brenda. Trajtohet me një pension invaliditeti prej 20 mijë lek në muaj, shumë e pamjaftueshme për ushqime e ilaçe.

“Me borxhe jetoj! Me borxh shkoj me furgon për të bërë dializën, me borxh e marr bukën. Pronari i furrës më ka thënë s’të jap më, nëse nuk paguan shumën që më detyrohesh”, tha ai.

Për shkak të vështirësisë financiare, 33-vjecari ka ulur numrin e terapive. Ai nuk ka para për të udhëtuar tre herë në javë drejt Korçës për të kryer dializën. Shteti i jep 4 mijë lek në muaj për transportin, shumë kjo që nuk mjafton as për biletën e furgonit.

“Duhet të shkoj tre here në javë në Korçë për të bërë dializën. Kushton 4 mijë lek bileta për një rrugë. Unë nuk kam para dhe nuk shkoj në të gjitha seancat. Kam qarë atje (tek qendra e dialzës) më kanë thënë shko në bashki. Edhe në bashki kam shkuar por s’më kanë ndihmuar”, u shpreh me tej.

Faktin që Desmiri nuk është paraqitur për të bërë dializën tre herë në javë e ka pranuar dhe administratorja e Qendrës së Dializës, Fiodora Fili, e cila tha se kompania koncesionare nuk e ka të përfshirë në kontratë transportin e pacientëve.

Dializa është jetike për Desmirin, i cili rrezikon jetën nëse nuk kryen tre herë në javë filtrimin e gjakut përmes aparaturës. Ai kërkon ndihmë nga bashkia e Maliqit por dhe donatorët privatë për t’i mundësuar transportin.

S.G/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • epo kjo pune: 24/09/2023 12:00

    qeveri reago... Jo vetem per VIPat qe jane bere me lopate... turp I madh, pale hiqeni si besimtare e luteni per tjetrin!! levizni

    Përgjigju
  • Iris: 24/09/2023 00:17

    Babai im i ndjere perfundoi me dialize 3 here ne jave per shkak te diabetit 2,por ishte i moshuar dhe jetonte jashte.Inshurenca,qe e kishte shume te mire,i mbulonte dhe dializen dhe transportin,ne fillim me taxi,me vone me ambulance,vinin e merrnin dhe e sillnin ne shtepi.Ky zoteri ka fatkeqesine qe jo vetem eshte i semure e i varfer,por dhe qe jeton ne Shqiperi,e cila eshte vendi me i keq te ndodhesh,ne rast se fati i keq te jep semundje e vecanerisht kronike te rende dhe ky zoteri nuk eshte i moshuar,por i ri,ka gjithe jeten perpara.Nuk e di nese behen ne Shqiperi,por ky duhet t'a shkruaje emrin ne liste per transplant veshkash nese behen.

    Përgjigju
  • Sondazhi i ditës:

    Jeni dakord me nismën e Kishës Katolike për ndalimin e simboleve komuniste?

Lajme të tjera



×

Lajmi i fundit

Cameron: Britania do të vazhdojë të mbështesë Ukrainën dhe OSBE-në

Cameron: Britania do të vazhdojë të mbështesë Ukrainën dhe OSBE-në

30 Nëntor, 15:58