As Interi nuk arriti të ndalë Juventusin e Allegrit, që triumfoi me rezultatin minimal 1-0 në derbin e Italisë, duke vijuar të mbetet e pathyeshme në këtë sezon të Serisë A italiane. Nuk shënojnë Cristiano Ronaldo dhe Mauro Icardi, goleadorët respektivë të skuadrave, por ishte veterani kroat Mario Mandzukic, ai që vendosi fatin e takimit, duke gjetur golin e vetëm të sfidës.
Në një ndeshje shumë të luftuar si Juventus ashtu edhe Inter luajtën hapur dhe për fitore. Në një sfidë me një temp shumë të lartë, Interi tregoi se tashmë është një skuadër e fortë duke e vënë në vështirësi Juventusin, edhe pse luhej në Torino. Ndeshja nisi mirë për të zotët e shtëpisë, që iu afruan disa herë kërcënueshëm kuadratit të Handanoviç, por pa mundur të vënë në provë aftësitë e portierit. Shkëndija e parë erdhi nga Giorgio Chiellini, i cili u shkëput në zonë dhe gjuajti bukur me kokë një top të ardhur nga këndi, por portieri slloven i Interit reagoi mjaft mirë. Më pas ishte radha e zikaltërve, që në harkun e dy minutave, krijuan dy mundësi të arta shënimi, teksa në rastin e parë, ishte gagliardini që pasi u shërbye mirë në zonë, gjuajti, por topi u ndal në shtyllën pingule të Szczesny-t. Aksioni i radhës nisi nga një top që Skriniar i rikuperoi Ronaldos dhe avancoi deri në zonën bardhezi, por gjuajta e Perisiç ishte për t’u harruar, me topin që shkoi jashtë kuadratit, ndonëse mund të bënte shumë më mirë.
Goli për bardhezinjtë erdhi në minutën e 66’, kur ish mbrojtësi zikaltër, Joao Cancelo veproi bukur në krahun e djathtë dhe krosoi një top në dukje pa pretendime në zonë, por që u shfrytëzua mjaft mirë nga Mandzukiç, që e dërgoi në rrjetën e portës së Interit.
Reagimi i zikaltërve ishte i menjëhershëm, me Spalletti-n që përforcoi sulmin duke aktivizuar Keita Balde dhe Lautaro Martinez, ndërsa ishin pikërisht këta të dy që kërcënuan portën e Szczesny-t me goditje nga distanca, por pa ia dalë të gjejnë rrjetën. Ishte pikërisht numri 10 i zikaltërve, ai që pati edhe mundësinë e fundit për skuadrën e Spallettit, por gjuajtja edhe këtë herë ishte e pasaktë dhe përfundoi jashtë kuadratit të portës së Juventusit. Me këtë fitore, bardhezinjtë nxjerrin përfundimisht jashtë luftës për titull Interin, pasi shkojnë në kuotën e 43 pikëve, plot 14 më tepër se zikaltrit, që kanë arritur të grumbullojnë vetëm 29 pikë në 15 takimet e para të kampionatit.
Lajme të tjera
-
Sot kundër Juventusit, Fonseca: Ne jemi Milani, fitojmë! Motta: Na duhet një ndeshje e madhe
23 Nëntor, 16:13 -
Napoli parakalon Juventusin, në Itali e bëjnë të sigurt: Ardian Ismajli ka akord me të kaltrit
22 Nëntor, 15:39 -
Kristjan Asllani pret edhe një shans nga Interi, më pas në diskutim e ardhmja! Projektohet nga minuta e parë
22 Nëntor, 13:30 -
Ish-mesfushori i Interit, Guarin flet për luftën me alkoolin: Piva 70 birra në një natë, kam tentuar vetëvrasjen
21 Nëntor, 15:21 -
Serie A/ Stadiumi 'sold-out' për Milan - Juve! Dëmtohet Vlahovic, për kuqezinjtë ka rikthime
21 Nëntor, 12:01 -
Buffon: Po, kam vendosur baste! Kurrë për Juven dhe Italinë
21 Nëntor, 10:25 -
Ardian Ismajli magjeps Conten, Napoli 'sparkatë' Juventusit për mbrojtësin e Kombëtares
21 Nëntor, 08:56 -
Asllani i dërgon 'sms' Inzaghit: Gati të zëvendësoj Calhanoglu, jam 22 vjeç dhe ndihem i rritur
20 Nëntor, 21:31 -
Dramë për Juventusin, Juan Cabal mbyll sezonin
14 Nëntor, 15:26 -
Akuzat për VAR pas Inter - Napoli, Conte mund të paditet nga Federata Italiane
13 Nëntor, 15:26 -
GOLAT/ Interi barazon 1-1 kundër Napolit, Roma dështon sërish dhe shkarkon trajnerin! Atalanta merr vendin e dytë, renditja e Serie A bëhet 'lëmsh'
10 Nëntor, 15:38 -
Sonte përballja e titullit, Lukaku e Conte në San Siro si kundërshtar! Trajneri i Napolit: Ruajmë kreun edhe pas sfidës me Interin
10 Nëntor, 13:25
