Me pistoletë e armë gjahu në banesë, pranga 48-vjeçarit në Berat, në hetim vëllai dhe i afërmi

BERAT- Një 48-vjeçar është vënë në pranga në Berat, ndërsa vëllai i tij dhe një i afërm i tyre janë vënë në hetim në gjendje të lirë.

Gjatë kontrolleve që policia ka ushtruar në banesën e tyre, ka zbuluar 1 armë zjarri pistoletë, 2 armë gjahu, 1 armë sportive, si dhe krehra dhe fishekë për këto armë.

Nga hetimet dymujore, të kryera në drejtimin e Prokurorisë së Beratit, rezultoi se këta 3 shtetas ishin gjithashtu të implikuar në veprimtarinë kriminale të shitjes së lëndëve narkotike, në qytetin e Dimalit.

Për pasojë u arrestua Kleant Shehu, 48 vjeç, si dhe u proceduan në gjendje të lirë shtetasit E. Sh., 42 vjeç dhe R. (M.). Sh., 46 vjeç.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme, për veprat penale "Mbajtja pa leje dhe prodhimi i armëve, armëve shpërthyese dhe i municionit", "Prodhimi dhe shitja e narkotikëve" dhe "Prodhimi dhe mbajtja pa leje e armëve të gjuetisë dhe sportive".

SI.E./Shqiptarja.com

TAG:
• Berat
• kleant shehu
• armembajtje pa leje