Me pranga në duar dhe i rrethuar nga forca të shumta policie, ish-eurodeputeti i Agimit të Artë ekstradohet drejt Greqisë

Ish-eurodeputeti Giannis Lagos

Me pranga në duar dhe i shoqëruar nga forcat policore ka mbërritur në Greqi nga Brukseli ish-eurodeputeti dhe ish-anëtari i “Agimit të Artë”, Giannis Lagos.

Gjykata e ka dënuar Giannis Lagos, me 13 vjet e 8 muaj burg për “udhëheqjen e një organizate kriminale” gjatë gjyqit të partisë neonaziste “Agimi i Artë” bashkë me liderët më të lartë të saj.

Lago u arrestua në Bruksel muajin e kaluar menjëherë pasi Parlamenti Evropian i hoqi imunitetin. Ai është mbajtur në një burg në kryeqytetin belg për gati dy javë. Fillimisht, Lagos kishte kundërshtuar ekstradimin e tij, por më vonë ra dakord që të dërgohej në shtëpi për t'u përballur me burg.

Ai është dërguar në burgun e Domokosë, ku vuajnë dënimet edhe liderët e tjerë te Agimit të Arteë si Nikos Mihaloliakos , Ilias Kasidhiaris, Panagitois Germnis etj.

 

 

M.Q./Shqiptarja.com
  • Sondazhi i ditës:

    A është rimëkëmbur ekonomia juaj familjare pas vështirësive të hasura gjatë pandemisë?

Komento


×

Lajmi i fundit

John

Themelohet në Akademinë e Shkencave të Shqipërisë Instituti Kombëtar i Fizikës