Ndërtoi mini-HEC dhe çoi internetin në bjeshkë, kush ishte 69-vjeçari që u vra në Tropojë

Ndërtoi mini-HEC dhe çoi internetin në bjeshkë, kush ishte 69-vjeçari që u vra në Tropojë

Tahir Bajraktari, 69-vjeçari që u vra mbrëmë në Tropojë

Tahir Bajraktari, 69-vjeç, u qëllua për vdekje mbrëmjen e kaluar në shtëpinë e tij verore në bjeshkët e Malësisë së Tropojës. Ngjarja e rëndë ndodhi në fshatin Dobërdol, ndërsa misteri ka rrethuar motivet e krimit. Banorët e zonës thonë se 69-vjeçari ishte njeri i qetë dhe pa probleme.

Sipas tyre, ai çdo vit udhëtonte nga Tirana, ku edhe banonte, dhe kalonte pushimet në shtëpinë verore të ndërtuar në bjeshkë. Edhe këtë vit, Tahir Bajraktari, me profesion mekanik, do qëndronte për disa ditë në shtëpinë e rindërtuar, ku siç shprehen të afërmit, energjinë elektrike kishte mundur ta siguronte vetë përmes një mini-çentrali të ndërtuar pranë fshatit dhe me të cilin furnizonte edhe fqinjët e tij. Gjithashtu, ai kishte arritur të siguronte edhe shërbimin e internetit në banesën e tij por edhe të fqinjëve.   

Dy ditë më parë, Tahir Bajraktari udhëtoi nga Tirana në drejtim të vendlindjes së tij, por ky do të ishte udhëtimi i fundit i 69-vjeçari pasi do të qëllohej për vdekje brenda në shtëpinë e tij të pushimit nga Nikë Lulashi, 54-vjeç, të cilin e kishte punësuar në shtëpinë e tij, pas sherrit për pagesën. 

Tahir Bajraktari vinte nga një familje ish të përndjekurish nga regjimi komunist, ndërsa kanë qenë të internuar në Lushnje.


Lajmi kryesor:

(Detaje) Vrasja e 69-vjeçarit në Tropojë, autori i punësuar në shtëpinë e viktimës, u grindën për pagesën


//Shqiptarja.com
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un