Në Laboratorin e Imunohematologjisë në Qendrën Kombëtare të Transfuzionit të Gjakut është instaluar platforma automatike me teknologjinë Real-Time PCR. Lajmi për këtë hap në diagnostikimin laboratorik në fushën e transfuzionit të gjakut është dhënë nga kryeministri Edi Rama përmes një videoje të shpërndarë në rrjetet sociale.

Kjo teknologji lejon analizimin e ADN-së për të identifikuar me saktësi karakteristikat e gjakut të një individi (tipizim molekular). Si rezultat, përputhshmëria mes dhuruesit dhe pacientit bëhet shumë më e saktë, duke ulur rrezikun e reaksioneve gjatë transfuzionit dhe duke rritur sigurinë në procedura komplekse si transplantet.

“Mirëmëngjes dhe me instalimin e platformës inovative automatike me Real-Time PCR në Laboratorin e Imunohematologjisë të Qendrës Kombëtare të Transfuzionit të Gjakut, e cila mundëson tipizim molekular të gjakut, përputhshmëri më të saktë për pacientët dhe mbështetje për transfuzione e transplante më të sigurta, ju uroj një ditë të mbarë!”, shkruan Rama.

P.J/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Mars, 08:12

    A duhet të ndërhyjë qeveria për të frenuar edhe rritjen e çmimeve të ushqimeve?

Lajme të tjera