POP 5

Lajmet më të lexuara të 5 minutave të fundit

Sociale

Më shumë të rinj në spital prej alkoolit, mjekja për Report Tv: Në urgjencën e QSUT edhe të mitur në koma

Sezoni veror ka sjellë edhe rritje të numrit të pacientëve që kërkojnë ndihmë mjekësore, për shkak të konsumit të tepërt të pijeve alkoolike. Sipas mjekëve shqetësues ulja e moshës, pasi në urgjencën e QSUT po paraqiten edhe të mitur në gjendje kome.

Muajt e nxehta të verës janë shoqëruar edhe me një tendencë në rritje të konsumuesve të pijeve alkoolike. Për mjekët toksikologë në QSUT, shqetësuese është ulja e moshës së përdoruesve të alkoolit, pasi në urgjencë po paraqiten në gjendje kome edhe të mitur.

“Në eksperiencën tonë kemi pasur raste të adoleshentëve në moshën e gjimnazit nga mosha 14-15 dhe 16 vjeçar që janë paraqitur pranë urgjencës si pasojë e intoksikacioneve alkoolike”, thotë për Report Tv, Irena Marko, mjeke toksikologe në QSU. 

Ajo thotë se më të rrezikuar nga konsumi i tepërt i alkoolit janë adoleshentët, gratë dhe personat me sëmundje kronike.

“Personat që kalojnë dozën e lejuar të alkoolit kërkojnë ndihmë shëndetësore. Janë më të rrezikuar moshat e reja sidomos adoleshentët, femrat për arsye të peshës trupore që kanë, ka dhe konsumues të moshave të mëdha që kanë edhe sëmundje bashkëshoqëruese që edhe ata kërkojnë ndihmë shëndetësore”.

Pasojat e konsumimit të pijeve alkolike janë të rënda, deri në gjendje kome.

“Rastet e urgjencës fillojnë nga problemet më të thjeshta, që mund të jenë një gjendje diskonforti, mund të kenë emezis masiv, kalojnë me alternimeve të vetëdijes, dhe gjendja më e rëndë në kalimin e komatozës”, shprehet doktoresha Marko. 

Ndër të tjera, konsumimi i alkoolit në periudha kohore afatgjata shkakton probleme në mëlçi e tru si dhe shkakton disa lloje tumoresh, ndaj mjekët bëjnë thirrje që të shmanget.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Akuzat e opozitës për mbylljen e TikTok! Rama fiton garën me fansat, Berishën e mund edhe Arlind Qori

Akuzat e opozitës për mbylljen e TikTok! Rama fiton garën me fansat, Berishën e mund edhe Arlind Qori

24 Dhjetor, 19:58