Kombëtarja shqiptare e futbollit ka mësuar kundërshtarët për eliminatoret e EURO 2020. Shorti i hedhur sot në Dublin ka vendosur kuqezinjtë përballë Francës, kampione bote, Islandës, Turqisë, Moldavisë dhe Andorrës. Shqipëria bën pjesë në grupin H me gjashtë ekipe. Ekipi i drejtuar nga italiani Panucci do të luftojë për njërën nga dy biletat që të dërgojnë në Euro 2020.
Nisur nga gjykimi në letër Franca është favorite kryesore për të kaluar grupin, ndërsa lufta për vendin e dytë pritet që të bëhet mes Shqipërisë, Turqisë dhe Islandës, e cila ka bërë një paraqitje mjaft të mirë në vitet e fundit. Moldavia dhe Andorra shikohen si kundërshtarë të lehtë për kuqezinjtë, por fjalën e fundit do ta thotë fusha. Të pranishëm në hedhjen e shortit ishin Presidenti i FSHF, Duka, Shulku dhe Panucci ndërsa ndeshjet e para do luhen nga data 21 deri në 23 mars të vitit të ardhshëm. Kampionati Europian i futbollit 2020 nuk do të organizohet nga një shtet, por nga 13 të tillë.
Kosova dhe grupet e ferrit
E ndërsa Shqipëria do të ndeshet me kampionët e botës, Kosovën e ka vendosur shorti përballë Anglisë, Çekisë, Bullgarisë dhe Malit të Zi. Duke pasur parasysh faktin që nga kualifikueset në Euro 2020 do të shkojnë vetëm dy ekipet e para, Kosova mund të presë biletën nga Liga e Kombeve ku është ende në garë. Në grupet e tjera që u shortuan sot spikasin përballet e forta mes Gjermanisë dhe Holandës në grupin C, Zvicra e shqiptarëve ka gjetur Danimarkën te grupi D, Belgjika me Rusinë te grupi I, ndërsa shorti ka qenë i lehtë për Italinë.
Shorti i EURO 2020
Sulmuesi Bekim Balaj shpreson te një surprizë me Francën, ndërsa luftën për vendin e dytë e shikon mes tre ekipeve. “Kemi bërë shumë ndeshje me Francën, shpresoj të bëjmë ndonjë surprizë. Për vendin e parë është çështje e zgjidhur. Lufta bëhet për vendin e dytë dhe janë tre ekipe që e pretendojnë. Me Turqinë i matëm forcat tani vonë, është kundërshtar i përballueshëm me ne. Islanda ka treguar rritje dhe është kundërshtar serioz, por nuk është i pakalueshëm”.
Sulmuesi i kombëtares Armando Sadiku pas hedhjes së shortit në një prononcim për supersport është shprehur se “Është një grup i fortë, do luhet midis Islandës dhe Turqisë, me këto dy ekipe do luajmë kualifikimin tonë. Megjithatë, e shoh si një grup të fortë. Të dyja janë të forta, si Islanda dhe Turqia. Për Francën, nuk po flas fare”.
Për kapitenin e kombëtares Mërgim Mavraj, Islanda dhe Turqia janë kundërshtarë kryesorë për vendin e dytë në grup, pasi Franca është favorite. “Kemi pasur ndeshje të mira me Francën dhe Turqinë. Me këtë grup, e dimë që Islanda ka ecur shumë përpara, është e fortë. Islandën dhe Turqinë i kemi kundërshtarë kryesorë. Nëse ia dalim në këto ndeshje, kemi shumë mundësi” tha ai për supersport.
Edhe Presidenti i FSHF, Duka është shprehur i kënaqur me shortin, ndërsa deklaroi se në EURO 2020 nuk kualifikohesh nga shorti, por nga fusha. “Gotën e shoh gjysmë plot, e shoh pozitiv. Imagjino sikur të ishte grupi me Gjermaninë dhe Holandën, do ishte masakrues. Duke menduar këtë, e shoh pozitiv. Franca siç është e fortë për ne, do jetë edhe për të tjerët. Mund të konkurrojmë për një vend të dytë” tha ai.
Trajneri i Turqisë, Luçesku pas hedhjes së shortit që e vendosi edhe përballë Shqipërisë u shpreh se kombëtarja kuqezi është një skuadër e fortë dhe e vështirë për t’u mundur. “Me Francën nuk është e lehtë. Na duhen patjetër fitore me Moldavinë dhe Andorrës. Ndaj Islandës, kemi avantazhin që e njohin. Shqipëria është një skuadër e mirë” deklaroi ai.
Trajneri i Francës Deshamp pas hedhjes së shortit është shprehur se me Shqipërinë kemi hasur shumë vështirësi, referuar ndeshjeve të kaluara. “E njohim Shqipërinë, jemi përballur. E njoh Panuccin, pasi e kam pasur lojtar. Kemi hasur gjithmonë vështirësi me Shqipërinë. Kam respekt për këtë skuadër. Shumë futbollistë po luajnë mirë jashtë shtetit. Do të shikojmë të gjithë detajet. Nuk mund të veçoj një skuadër ende se cila është me e fortë. Do të shohim në fushë, jam i bindur që do të kemi ndeshje të vështira”tha ai për RTSH.
Trajneri i kombëtares shqiptare, Christian Panucci pas hedhjes së shortit është shprehur i kënaqur, ndërsa ka deklaruar se kuqezinjtë do të luftojnë për vendin e dytë. “Mund të shkonte më mirë ose më keq, por do të punojmë për të pamundurën. Franca është favoritja e madhe. Edhe Turqia dhe Islanda janë të forta, pretendente për vendin e dytë. Shqipërinë e shoh duke luftuar me Turqinë dhe Islandën për vendin e dytë. Gjëja më e rëndësishme për mua është të rikuperoj lojtarët” deklaroi ai për RTSH.
Ndeshjet e para kualifikuese të EURO 2020 do luhen nga data 21 deri në 23 mars të vitit të ardhshëm. Kampionati Europian i futbollit 2020 nuk do të organizohet nga një shtet, por nga 13 të tillë.
DATAT E NDESHJEVE
21–23.03.2019
24–26.03.2019
07–08.06.2019
10–11.06.2019
05–07.09.2019
08–10.09.2019
10–12.10.2019
13–15.10.2019
14–16.11.2019
17–19.11.2019
Vendet ku do të zhvillohen ndeshjet e ERUO 2020
Anglia me Londrën (Wembley): 2 gjysmëfinalet dhe finalen e madhe
Gjermania me Mynihun: 3 ndeshje grupi dhe 1 çerekfinale
Azerbaxhani me Bakun: 3 ndeshje grupi dhe 1 çerekfinale
Italia me Romën: 3 ndeshje grupi dhe 1 çerekfinale
Rusia me St.Peterburg: 3 ndeshje grupi dhe 1 çerekfinale
Belgjika me Brukselin: 3 ndeshje grupi dhe 1 ndeshje 1/16
Danimarka me Kophenagenin: 3 ndeshje grupi dhe 1 ndeshje 1/16
Hungaria me Budapestin: 3 ndeshje grupi dhe 1 ndeshje 1/16
Holanda me Amsterdamin: 3 ndeshje grupi dhe 1 ndeshje 1/16
Rumania me Bukureshtin: 3 ndeshje grupi dhe 1 ndeshje 1/16
Spanja me Bilbaon: 3 ndeshje grupi dhe 1 ndeshje 1/16
Skocia me Gllasgoun: 3 ndeshje grupi dhe 1 ndeshje 1/16
Irlanda me Dublinin: 3 ndeshje grupi dhe 1 ndeshje 1/16
Lajme të tjera
-
Evropiani 2027 me Serbinë, Tifozat Kuq e Zi kundër Armand Dukës: Tradhti, dhjetëra mijëra të vrarë dhe gra të dhunuara
20 Nëntor, 16:20 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Vrasja e 14 vjeçarit në Tiranë/ Armand Duka: Një kampion i vogël tashmë do ta ndjekë nga lart pasionin e tij
19 Nëntor, 08:43 -
Me pjesmarrjen e 55 anëtarëve, mbahet në Tiranë mbledhja e rëndësishme e UEFA-s
29 Tetor, 10:45 -
Incidenti me flamurin në Çeki, Shakohoxha akuzon drejtuesit e FSHF-së: Rrinin si bufa në tribunë dhe nuk reaguan
16 Tetor, 13:55 -
Igli Tare sulmon ashpër Armand Dukën, për bashkëpunimin me Serbinë dhe lejimin pa kriter të lojtarëve të huaj në Superiore
16 Tetor, 12:11 -
'Dardanët' sulmojnë Armand Dukën: Vëllau vëllaun nuk e lëndon, me hasëm shekullor marrëveshje nuk bën
16 Tetor, 08:57 -
FOTOLAJM/ Pas humbjes turpëruese me Çekinë, FSHF bllokon komentet ndaj tifozëve të kombëtares
12 Tetor, 16:23 -
'Ismajli është gati për Juventusin', rikthehet Christian Panucci: FSHF s'e njihte Ardianin, unë e solla në Kombëtare
12 Tetor, 11:23 -
Precedentët/ Racizmi çek dhe përdhosja e simboleve kombëtare në Pragë, pse Armand Duka dhe FSHF nuk e tërhoqën ekipin?
12 Tetor, 10:19 -
FOTOLAJM/ 'Duka Klysh i shkive!' Banderola në stadium gjatë ndeshjes Çeki - Shqipëri kundër bashkëorganizimit të evropianit ‘Shqipëri-Serbi’ U-21
12 Tetor, 07:29 -
Shqipëria e Serbia kandidate për organizimin e EURO U-21, Prodani në Report Tv: Interes dhe servilizëm i Armand Dukës, veprim i gabuar
2 Tetor, 19:42
