Me sytë nga Madridi, Atletico sfidon Realin në derbi

Sonte luhet derbi i Madridid në “Wanda Metropolitano”. Atletico Madrid e vendit të dytë në La Liga sfidon Realin kryesues në një ndeshje që premton spektakël.  Një pikë i ndan në klasifikim dy ekipet që kanë një vlerë 2000 milion euro  dhe ka disa sfida brenda. Joao Felix-Hazard, Diego Costa- Sergio Ramos dhe në pankinë Simeone-Zidane. Në kampin e Atleticos në fushë do zbresin më të mirët por do të mungojë Morata i skualifikuar. Oblak, Trippier, Savic, Gimenez dhe Lodi në mbrojtje. Tomas, Llorente, Saul dhe Koke në mesfushë dhe Diego Costa e talenti Joao Felix në sulm. Tekniku Simeone në konferencë ka deklaruar : “Këto janë ndeshje të mbyllura që vendosen nga detajet. Real është përmirësuar shumë në dy ndeshjet e fundit”.

Real humbi 7-3 derbin e verës dhe Los Blancos as nuk duan të dëgjojnë për këtë rezultat. Ekipi është në gjendje shumë të mirë pas dy fitoreve në dy ndeshjet e fundit dhe në fushë do rikthehen titullarët e lënë puhsim të mërkurën. Courtois në portë, Carvajal, Varane , Ramos dhe Nacho në mbrojtje. Casemiro dhe Kroos në mesfushë dhe në mbështetje të Benzema do jenë , James, Hazard e Bale.Për teknikun Zinedine Zidane ndaj rivalëve të qytetit është ndeshja e radhës dhe skuadra e tij e di shumë mirë se çfarë duhet të bëjë. Duke nisur nga ora 21:00 spektakli është i garantuar.

TAG:
• real madrid
• la liga
• atletico madrid
• Wanda Metropolitano