POP 5

Lajmet më të lexuara të 5 minutave të fundit

Sport

Me titullin në xhep, por Tirana s'e fal Vllazninë! Përfiton Partizani për Kupat e Europës, Dinamo matematikisht në Kategorinë e Parë

Edhe pse më herët siguroi titullin kampion, Tirana këtë javë s’kurseu as Vllazninë në derbin e Shqipërisë duke e fituar 3-1. Nga humbja e shkodranëve   përfitoi Partizani për Kupat e Europës pasi bëri detyrën kundër Egnatias. Tre pikët me përmbysje mori edhe Kukësi kundër Dinamos.

Fitimi i titullit nuk e ka ulur marshin e Tiranës. Kampionët e saposhpallur s’e kanë kursyer Vllazninë në derbin e Shqipërisë, duke e mposhtur 3-1 edhe pse shkodranët luftojnë për një vend në Kupat e Europës. Në ‘Selman Stërmasi’ autorët e golave për bardheblutë ishin Seferi, Totre dhe Xhixha, ndërsa miqtë e gjetën rrugën e rrjetës me autogolin e Zhivanaj.

Sakaq nga ky rezultat ka përfituar Partizani, që falë fitores minimale 0-1 kundër Egnatias, ka blinduar vendin e tretë për momentin. Goli i Rrapajt në fundin e pjesës së parë i ka çuar të kuqtë në kuotën e 52 pikëve, 3 më shumë se Kukësi, por Partizani ka avantazhin e ndeshjeve direkte.

Sa u përket verilindorëve të Longos bënë detyrën kundër Dinamos, duke fituar 2-1 me përmbysje në ‘Kukës Arena’. Ky rezultat zbret matematikisht nëndetësen në Kategorinë e Parë.

Në javën e 34 të Superligës, që u luajt e gjitha të shtunën në orën 17:15 Teuta mori një fitore minimale 0-1 kundër Kastriotit, me krutanët që morën humbjen e tretë radhazi, por që nuk iu kushton pasi prej kohësh kanë siguruar qëndrimin në Superligë. Sfida tjetër mes Skënderbeut dhe Laçit është fituar 1-2 nga kurbinasit.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Arkiva e AIDSSH në 105 vjetorin e lindjes: Dënimi dhe survejimi i gjeneralit Rrahman Parllaku

Arkiva e AIDSSH në 105 vjetorin e lindjes: Dënimi dhe survejimi i gjeneralit Rrahman Parllaku

19 Prill, 15:24 nga Endrit Toli