POP 5

Lajmet më të lexuara të 5 minutave të fundit

Sociale

Me ujërat termale, kanionet dhe rafting në Vjosë, Përmeti kthehet në destinacion kryesor! Në 8 muaj u vizitua nga 110 mijë turistë

Nga Janari në Gusht, Përmetin e kanë vizituar 110 mijë turistë, duke e kthyer një ndër destinacionet kryesore të vendit. Objekt i vizitave janë Kisha e Leusës, Banjat e Bënjës, lagje e vjetër e qytetit, kanioni i Langaricës dhe rafting në rrjedhën e Vjosës. Sipas të dhënave zyrtare nga bashkia numri i turistëve u rrit me 30 për qind krahasuar me të njëjtën periudhë të vitit të shkuar.

Njohur si Qyteti i Luleve me resurse të shumta natyrore, Përmeti është kthyer në destinacion të preferuar turistik sidomos gjatë sezonit veror. Objekt i vizitave janë Kisha e Leusës, Banjat e Bënjës, lagje e vjetër e qytetit, kanioni i Langaricës, apo dhe rafting në rrjedhën e Vjosës.

Në bazë të statistikave zyrtare, llogaritur nga qendrimi në hotele e bujtina Përmetin e kanë vizituar në tetë muaj mbi 110 mijë turistë shumica prej tyre të huaj. Thënë ndryshe në raport me vitin e kaluar është vërejtur një rritje në kufijtë e 30%. Kjo padyshim është produktive për mirëqënien e banorëve por dhe zhvillimin e mëtejshëm turistik të këtij qyteti.

Sipas kreut të Zyrës së Turizmit në Bashkinë e Përmetit Edjon Maliqi, rrallë gjen turistë ditorë pasi shumica e rasteve kanë qenë vizitorë që kanë qëndruar minimalisht 2 ditë në Përmet. Kjo për shkak të numrit të madh të atraksioneve turistike që ka Përmeti, mikpritjes dhe kulinarisë së pasur.

Qyteti i Përmetit vitet e fundit ka shtuar ndjeshëm kapacitetet akomoduese dhe kjo për shkak të shtimit të kërkesës për të vizituar këtë qytet jo vetëm në muajt e verës, por dhe vjeshte e dimër.

R.D/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

‘Mbështesim SPAK’, Alibeaj: Këta duan që të minojnë punën e tij! Komisioni ‘Xhafaj’ synim për ta delegjitimuar

‘Mbështesim SPAK’, Alibeaj: Këta duan që të minojnë punën e tij! Komisioni ‘Xhafaj’ synim për ta delegjitimuar

21 Dhjetor, 12:49