Serbia dy ditë pas sulmit në Banjskë ia ka dhënë disa tenderë me vlerë 8.5 milionë euro kompanisë nga Zveçani, “Rad 028”, e cila për shkak të dyshimeve se kontrollohej nga Milan Radoiçiçi është në listën e zezë të Shteteve të Bashkuara, ka raportuar e përjavshmja serbe, 'Radar'.
Sipas kësaj gazete, 8.5 milionë eurot, i janë dhënë kompanisë “Rad 028” për katër ditë. Tenderët janë dhënë për “programin e shpërndarjes dhe përdorimin e stimujve për zhvillim ekonomik për vitin 2023”.
Radoiçiçi e ka marrë përgjegjësinë kryesore për organizimin e sulmit paramilitar serb në Banjskë më 24 shtator, ku mbeti i vdekur rreshteri i Policisë së Kosovës, Afrim Bunjaku.
Ai është në kërkim nga INTERPOL-i me kërkesë të Kosovës, por vazhdon të endet i lirë në Beograd. Së fundmi, u publikua një fotografi ku ai shihet duke diskutuar me ambasadorin e Serbisë në SHBA, Marko Gjuriq.
Gazetë serbe “Radar”shkruan se Qeveria e Serbisë ka qenë bujare me “sipërmarrësit” në veri të Kosovës. Kompania që dyshohej se ishte nën pronësinë e Radoiçiçit, “Rad 028”, në 10 vjetët e fundit ka fituar më shumë se 100 tenderë, të financuar nga buxheti i Serbisë.
Nga viti 2014 deri më 2018, kjo kompani ka fituar “vetëm” 7.1 milionë euro nga buxheti i Serbisë. Por kur Radoiçiqi u bë nënkryetar i Listës Serbe në vitin 2018, vlera e tenderëve të fituar nga kjo kompani është 14-fishuar në 102.6 milionë euro. Pra, deri në konfliktin në Banjskë, vlera e punëve të kontraktuara ka arritur në gati 120 milionë euro, ka shkruar “Radar”.
Që nga janari i këtij viti, nuk ka informacione se kompania nga Zveçani ka marrë ndonjë tender.
Për dallim nga “Rad 028”, kompanitë e themeluara në bashkëpunim mes Radoiçiqit dhe Zheljko Veselinoviqit po vazhdojnë punën pa probleme. E vetmja gjë që ka ndryshuar është struktura e pronësisë. 12 ditë pas konfliktit në Banjskë, Radoiçiqi u largua nga pronësia e kompanive, duke ia lënë vëllezërve Veselinoviq aksionet e plota./ RTK
Lajme të tjera
-
Veto Surroi: Dhjetori i demokracisë dhe një shenjë normaliteti
18 Dhjetor, 09:52
-
Spiunimi i BIA-s, Serbia në 'burgun digjital'
18 Dhjetor, 08:22 -
Sa bunkerë ka Serbia për raste lufte?
17 Dhjetor, 17:34 -
Skenarët e mundshëm nëse SHBA-ja i vë sanksione industrisë serbe të naftës
17 Dhjetor, 17:28 -
Kosova dhe Serbia pajtohen për zbatim të plotë të deklaratës për personat e zhdukur
17 Dhjetor, 16:30 -
Kryeministri Kurti: Dokumentimi i krimeve të luftës, detyrim moral dhe historik për të gjitha gjeneratat
17 Dhjetor, 15:30 -
Shefi i NATO-s për sulmin në Ibër-Lepenc: Përgjegjësit të sillen para drejtësisë
16 Dhjetor, 18:25 -
BE-ja miraton sanksione të reja ndaj Rusisë, përfshin edhe entitete kineze
16 Dhjetor, 14:31 -
Sulmi terrorist në Banjskë, Radoiçiç pret vendimin për aktakuzën në Serbi, Kosova këmbëngul në ekstradim
15 Dhjetor, 15:29 -
SHBA sanksione ndaj industrisë serbe të naftës, reagon sërish Vuçiç: Nuk i kam parë dokumentet! S' jam gati të vendos sanksione ndaj Moskës
14 Dhjetor, 13:22 -
BE me draft-konkluzione për Kosovën dhe Serbinë
14 Dhjetor, 12:15 -
Aksidentohet autoblindi në veri të Kosovës, plagosen 8 policë
14 Dhjetor, 07:43
