Media spanjolle ‘El Pais’: Shqipëria, sekreti i fundit i Evropës

Mrekullitë natyrore shqiptare janë bërë pjesë e shumë gazetave të huaja dhe kësaj rradhe kanë mbërritur deri në Spanjë.

Media spanjolle "El Pais" ka sjellë një shkrim shumë special të disa prej vendeve turistike të vendit tonë.

“Pas dekadave të izolimit, vendi i Ballkanit hapet para botës me një përzierje të parezistueshme të plazheve të shkëlqyera, pyjeve të dendura dhe qyteteve osmane, ku ende ndihet gjurma e komunizmit.

Udhëtarët spanjollë të një moshe të caktuar kujtojnë se për shumë dekada, pasaportat e tyre ishin të vlefshme për të gjitha vendet, përveç Shqipërisë, Koresë së  Veriut dhe Mongolisë së Jashtme.

Përveç shqetësimit, ajo zgjoi një dëshirë të pakontrolluar për të zbuluar se çfarë fshihnin këto vende të ndaluara.

Nga këto vende të ndaluara, Shqipëria ishte më e afërta, por deri vonë ajo ka mbetur larg hartës turistike.

Tani shqiptarët duan të tregohen para botës dhe të mësojnë bukuritë e tyre, si kulturore, ashtu edhe natyrore.

Dhe kjo duhet të bëhet përpara se turizmi masiv ta zbulojë atë.

Dekada izolimi e kanë bërë Shqipërinë, një dimension disi më të vogël se Katalonja apo Galicia, një vend ndryshe nga pjesa tjetër e fqinjëve të tij në Ballkan.

Nuk është një destinacion për ata që kërkojnë shumë komoditete dhe një udhëtim pa ngjarje të paparashikuara.

Por mbase ekziston që ta shndërrosh një udhëtim në një aventurë të vogël.

Kështu, ne do të kapërcejmë territoret malore përmes rrugëve dredha-dredha; ne do të shikojmë në një bregdet të egër; ne do të shëtisim nëpër disa qytete që janë si një mozaik venecian i kishave bizantine me afreske dhe xhami të zhveshura, faltore bektashie dhe shtëpi osmane, apo ndërtesa të epokës Sovjetike dhe bunkerë të vegjël.

Por pa dyshim, zbulimi më befasues është vija bregdetare e tij 400 kilometra ku rëra e detit Adriatik bashkohet me gurët e plazhit Jon”, është shkruar në artikull.

“El Pais” ka përmendur disa prej qyteteve turistike të vendit dhe ka nisur me kryeqytetin Tiranën duke e konsideruar si një vend në kërkim të kohës së humbur.

Nuk kishte si të mos mungonte Berati, një kështjellë e dritareve apo qyteti fqinj i saj Gjirokastra, qyteti-muze i Enver Hoxhës.

Po të qëndrojmë në veri, Kruja është konsideruar nga portali spanjoll si zemra e Shqipërisë dhe Shkodra si qendra e zhvilluar kulturore.

Ksamili dhe Riviera Shqiptare janë një ndër mrekullitë bregdetare të vendit,

Të mos ndahemi nga Saranda e bukur me Syrin e Kaltër dhe pasuritë e Butrintit.

Një nga vendet e përmendura është edhe qyteti i vjetër i Himarës.

Alpet Shqiptare janë konsideruar vende të përshtatshme për sportin e hiking, ngjitjes në mal.

Të rikthehemi përsëri në det, nuk kishte si të shpëtonte Kepi ​​i Rodonit dhe limanet plot ngjyra të detit Adriatik.

Artikulli i portalit “El Pais”, mbyllet me qytetin e bukur të Korçës, duke e konsideruar si Parisin e Shqipërisë.

TAG:
• turizem
• artikull
• El Pais