Gazeta greke e nis me titullin "Stuhia politike në Shqipëri pas zbulimit të  rrjetit  të drogës".Kathimerini thotë se Edi Rama, katër muaj pas fitores gjithëpërfshirëse në zgjedhjet parlamentare që e bënin atë politikisht të plotfuqishme në Shqipëri, në vorbullën e një stuhie që kërcënon të godasë imazhin e tij si Kryeministër, brenda dhe jashtë vendit, për shkak të ish-ministrit të brendshëm.

Gazeta greke siç duket nuk di se si quhet ish-ministri por i ngatërron emrin nga Saimir në Shimir.Me rastin e njoftimeve të prokurorëve italianë për përfshirjen e ish-Ministrit të Brendshëm, ndërkohë që është ende deputet në parlament.

Partitë opozitare e mediat, fajëson drejtpërsëdrejti Ramën, si "trurin" e qarqeve që kultivojnë dhe tregtojnë jashtë drogën. Kjo nuk është hera e parë që opozita fajëson udhëheqësin socialist si një "mbrojtës", me ngurrimin e qarqeve të kultivimit dhe trafikimit të kanabisit që lulëzojnë në Shqipërinë e sotme.

Rasti ka marrë përmasa të mëdha dhe, sipas burimeve diplomatike greke në Tiranë, ndikon direkt profili kryesor i Ramës, i cili është bashkëbiseduesi i privilegjuar i Perëndimit dhe politikisht dominues në Shqipëri pas shumicës dërrmuese të tij në zgjedhjet e verës që i dhanë atij pushtet parlamentar.

Kathimerini nuk lë pa përmendur Himarën duke thënë:
Ndërsa jeta politike në Shqipëri është e mbingarkuar nga skandali i drogës, dje në Himarë, kemi marrë njoftimet për prishjen e ndërtesave të pakicës greke. Më tej Kathimerini vazhdon të konsideroj debatin politik në Shqipëri si si një lojë e zjarrtë.

Redaksia Online
Xh.F /Shqiptarja.com