Mediat kryqëzojnë Donnarumman, Luis Enrique: Barcelonën e përmbysim në Spanjë! Simeone i mërzitur pas fitores: Gabuam kundër Dortmund

Paris SG rezultoi favorit vetëm në letër kundër Barcelonës. Katalanasit falë super paraqitjes së Rapinhas arritën të fitonin 2-3 çerekfinalen e parë të Champions League, duke hedhur një hap të rëndësishëm drejt turit tjetër. Në ‘Parc de Prince’ goli i parë i ndeshjes nga braziliani i Barcelonës erdhi në minutën e 37 pas një dalje të gabuar të Donnarummas. Në pjesën e dytë francezët u futën me ritëm të shtuar dhe arritën të përmbysnin në harkun kohor të 3 minutave. Fillimisht Dembele realizoi mjaft bukur, ndërsa më pas Vitinha kaloi ekipin e Luis Enriques për herë të parë në avantazh.

Barcelona nuk u dorëzua dhe në minutën e 62 sërish me Rapinhan gjeti rrugën e rrjetës dhe i dërgoi shifrat në 2-2. Goli i fitores për miqtë do vinte nga Christensen, i cili realizoi me kokë. Kësaj rradhje pas një dalje të munguar të Donnarummas. Pas humbjes mediat franceze gozhduan portierit italian, duke thënë se ai vijon të jetë i pakorrigjueshëm ndaj gabimeve. Trajneri Luis Enrique ishte i mërzitur me humbjen, por tha se do bëjnë gjithçka për ta përmbysur Barcelonën javën e ardhshme në Katalonjë.

Mjaft e bukur rezultoi edhe çerekfinalja tjetër në Madrid mes Atletico-s dhe Dortmund, me spanjollët që fituan 2-1. Skuadra e Simeones e nisi me mjaft vrullë përballjen dhe realizuan që në minutën e 4 me De Paul. Brenda pjesës së parë dyfishoi Lino duke dhënë përshtypjen e një doniminimi. Megjithatë nga ky moment ‘el colchoneros’ ulën ritmin dhe nga kjo përfituan gjermanët. Duhet të vinte minuta e 81 për të shkurtuar diferencën me Haller, por deri në fund Dortmund goditi dy herë shtyllën dhe i shkoi shumë pranë barazimit. Një rezultat që lë shumë hapësira për ndeshjen e kthimit në Sigal Iduna Park, ndërsa la të zhgënjyer Simeonen i cili ishte i pakënaqur me pasaktësinë e sulmuesve.

Ne.k./S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord që personat e së njëjtës gjini të martohen ligjërisht?



×

Lajmi i fundit

Durrës/ 24-vjeçari plagoset me armë zjarri, paraqitet në spital! Rrethanat e paqarta

Durrës/ 24-vjeçari plagoset me armë zjarri, paraqitet në spital! Rrethanat e paqarta