Mediat serbe: Këngëtaret shqiptare
çajnë të parat tregun ndërkombëta

Asnjë këngëtare nga gadishulli ballkanik nuk ka arritur të bëj karrierë ndërkombëtare në skenat e mëdha botërore të muzikës…deri më sot, kur ndër emrat më të komentuar përmenden edhe këngëtaret shqiptare.

Në këtë përfundim ka arritur dhe gazeta serbe “Blic”, e cila thotë se situata tashmë ka ndryshuar në saje të këngëtareve nga Kosova dhe Shqipëria.

Gazeta më tutje shkruan se katër këngëtaret shqiptare po pushtojnë mediat botërore, ku këngët tyre po thyejnë rekord shitjesh, raporton GazetaExpress.
E para që ka bërë bujë të madhe në botë është Rita Ora, e cila bashkëpunon me Jay-Z. Më pas kanë qenë Beb Rexha, e cila ka shkruar tekstin e hitit më të madh të Rhannës “Monster”. Dhe në fund, Dua Lipa dhe Era Istrefi po pushtojnë tregun botëror muzikor.

Rita Ora
Gjithçka filloi me Rita Orën, e cila ka lindur në Prishtinë, por si fëmijë me familje u zhvendos në Britani të Madhe. Edhe pse shumë rrallë u kthye në vendlindjen e saj, ajo gjithmonë ka thënë se është krenare me origjinën kosovare. Në fillim të karrierës së saj u cilësua si pasardhësja e Rihannas. Shumë pak prej jush nuk i kujtohen hitet e saja të tilla si I Eill Never Let You Doën, Body On me, R.I.P dhe shumë të tjera.

Bebe Rexha
Bebe Rexha është vetëm 26-vjeçare, ka qenë prej kohësh në industrisë e muzikës globale, por së fundi ka tërhequr vëmendjen e publikut të gjerë. Ajo ka lindur në Neë York dhe prindërit e saj janë shqiptarë nga Dibra e Maqedonia. Emri i saj i vërtetë është Bleta. Ajo shkroi një nga hitet më të mëdha të Rihannas, “Monster”, të cilën e solli në bashkëpunim me reperin amerikan Eminem, si dhe yjeve të tjera të shumtë, duke përfshirë edhe Dj. David Guetta. Ajo është e njohur edhe për këngën “No Broken Hearts”, të cilën e solli në bashkëpunim me Nicki Minaj.

Dua Lipa
Dua ka lindur në Londër, por prindërit e saj janë shqiptarë nga Kosova, të cilët e kanë lënë Prishtinën gjatë viteve të nëntëdhjeta të shekullit të kaluar. Babai i saj është këngëtar i njohur i rokut në Kosovë, Dukagjin Lipa. Vitin e kaluar ajo ka publikuar këngën e parë, e cila ka marrë mbi 40 milionë klikime në YouTube. Këtë vit do të publikojë albumin e saj të shumëpritur debutues.Ajo është krahasuar me Lana del Ray, ndërsa ka publikuar deri më tani disa këngë mesin e tyre edhe hitet Be The One, Neë Love dhe së fundi po korr suksese me Hotter Than Hell.

Era Istrefi
Ajo është vetëm 21 vjeçare dhe ka lindur në Prishtinë, ndërsa ka tërhequr vëmendjen e medieve botërore. Kënga “Bonbon” tërhoqi shumë vëmendje, ndërsa është mbështetur edhe nga aktorja Chloe Grace Moretz, e cila paralajmëroi të gjithë se duhet të kenë kujdes nga këngëtarja kosovare. Nëna e saj, Suzana ishte këngëtare e viteve të 90’ të shekullit të kaluar. Edhe motra e saj, Nora ka një karrierë të suksesshme, ku ka katër albume muzikore. Dy vjet më parë, Era u kritikua nga publiku serb shkaku i një videoklipi, i cili u regjistrua në kishën ortodokse në Prishtinë.

Redaksia Online
(m.p/shqiptarja.com)