Mediat serbe:Studentët e Preshevës
duan Tiranën, jo Beogradin

PRESHEVË  -“Shqiptarët nga Serbia jugore nuk duan të studiojnë në Beograd“ (“Albanci sa juga Srbije neće na studije u Beogmusliiirad”). Me këtë titull kanë dalë sot gazetat serbe, duke iu referuar fjalëve të Jonuz Musliut, i cili ka shkruar se “studentët e Preshevës preferojnë Tiranën, jo Beogradin”, transmeton agjencia e lajmeve “Presheva Jonë”.

“Nje numri më i madh i studentëve shqiptarë nga Bujanoci, Presheva dhe Medvegja sot studiojnë në universitetet e Kosovës, Universitetin Shtetëror të Tetovës në Maqedoni dhe Universitetin e Tiranës”, ka pohuar kryetari i kuvendit të komunës së Bujanocit, Jonuz Musliu, kanë rapotuar mediat serbe.
Këtë vit mbi 300 studentë nga Lugina e Preshevës kanë filluar studimet në Prishtinë dhe Gjilan dhe 100 studentë të tjerë janë regjistruar në kolegjet e Universitetit të Tetovës në Maqedoni dhe Universitetin e Tiranës.

Numër shumë më i vogël i studentëve shqiptarë nga Bujanoci, Presheva dhe Medvegja, që studiojnë në një nga universitetet në Serbi, ndër të cilat më shumë të regjistruar në vitin e parë, vetëm 39 vetë, në Departamentin e Fakultetit Ekonomik në Suboticë në Bujanoc dhe në mënyrë të ngjashme në Departamentin e Fakultetit Ekonomik në Çaçak.

Musliu tha se veçanërisht i madh interesi i shqiptarëve nga Presheva, Bujanoci dhe Medvegja për pranim në Universitetin e Tiranës, ku në disa fakultete këtë vit kanë aplikuar dhe kaluar provimin deri në tre herë më shumë se kuotat e përcaktuara në regjistrimin fillestar.

Për problemet në arsimin e lartë të studentëve nga tri komunat, Musliu në Tiranë ka biseduar me kryeparlamentarin shqipatr Ilir Meta, minsitren e Arsimit, dekanë e profesorë.

Rritja e interesit të studentëve shqiptarë nga Serbia e Jugut për fakultetet e Universitetit të Tiranës në këtë vit akademik erdhi pasi autoritetet në Tiranë njoftuan se do të fillojnë t’u japin përparësi studentëve më të mirë nga të tri komunat.

Redaksia Online
(mag/shqiptarja.com)