POP 5

Lajmet më të lexuara të 5 minutave të fundit

Kosova & Rajoni

Mediat serbe: Vuçiç ka refuzuar 'paketën amerikane' për Kosovën

Sipas "Novosti"-t, një e përditshme e Beogradit, Vuçiç e ka vlerësuar këtë dokument të padenjë dhe të papranueshëm për Serbinë dhe të njëjtin nuk ka dashur as ta nxjerr në opinion.
Mediat serbe: Vuçiç ka refuzuar 'paketën amerikane' për Kosovën

Presidenti serb, Aleksandar Vuçiç

Gazeta serbe “Novosti” shkruan se presidenti serb Aleksandar Vuçiç ka hedhur poshtë një dokument pune, lidhur me zgjidhjen e çështjes së  Kosovës i njohur si “paketa amerikane”. Sipas gazetës së Beogradit, Vuçiç e ka vlerësuar këtë dokument të padenjë dhe të papranueshëm për Serbinë dhe të njëjtin nuk ka dashur as ta nxjerr në opinion, përcjell Telegrafi.

“Ekzistencën e këtij dokumenti ‘non paper”, i cila u dërgua së fundmi përmes kanalet diplomatike joformale në Presidencën e Serbisë, u konfirmua të shtunën edhe nga Zëvendëskryeministri i Kosovës, Enver Hoxhaj, duke shpresuar se Beogradi do të pranojë atë letër, e cila kërkon që në mënyrë indirekte por praktike Serbia ta njoh Kosovën”, shkruan gazeta serbe.

Siç thuhet, “përfaqësuesve të Kosovës dhe Serbisë u janë prezantuar katër shtylla të marrëveshjes historike, kurse nga Prishtina kanë mbërritur zërat se zgjidhja e çështjeve të hapura bilaterale mes dy vendeve është njohja reciproke, dhe se pikërisht kjo është në letrën, të cilën e ka në duar Beogradi”.

Gazeta serbe pretendon se i ka siguruar katër pikat e “pakos amerikane”, të cilat ia ka dorëzuar presidentit serb.

“Asociacioni i Komunave serbe merr fuqi të gjera ekzekutive dhe kompetenca të zgjeruara në fushën e shëndetësisë, arsimit dhe kulturës. Asociacioni do të ishte i lidhur ngushtë me zv/kryeministrin e Kosovës, që do të ishte nga radhët e komunitetit serb, e që do të ishte kontrollues i kësaj bashkësie”, janë dy pikat e para, të prezantuara në artikullin e gezetës serbe.

Më tej thuhet se, Serbia nuk duhet ta pengojë rrugën e Kosovës në anëtarësimin në organizatat ndërkombëtare.

“Beogradi duhet të mundësojë që Kosova të bëhet pjesë e organizatave ndërkombëtare dhe OKB-së. Në qoftë se Serbia bie dakord me këtë paketë, do të ishte në gjendje të hyjë në BE, kurse SHBA do ta mbështeste në aspektin ekonomik dhe politikën ndërkombëtare”, thuhet në dy pikat e tjera.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça