Mediu zbulon detaje nga Komisioni i Reformës: Ndërkombëtarët kundër listave të mbyllura, na propozuan sistemin danez! Ja për çfarë bëhet fjalë

TIRANË- Kreu i Partisë Republikane, Fatmir Mediu në një intervistë për Report Tv ka dhënë detaje se çfarë ka ndodhur në tryezën e sotme të Reformës Zgjedhore, teksa zbuloi një nga propozimet që ka mbërritur nga ndërkombëtarët mbi ndryshimin e sistemit.

"Unë jam për ndryshim sistemi. Opozita ka vetëm një rrugë dhe rruga e vetme ëhshtë që t'i bëj shqiptarët që duhet ndërtohet një shtet, nuk kemi parlament kushtetues, prandaj dhe sistemi politik duhet ndryshuar, prandaj dhe karriera politike duhet frymëzuar nga konkurrim, jo nga zgjedhjet preferenciale se kush i bën më mirë temena të parit të partisë. Ka pasur një diskutim në tryezën e Reformës Zgjedhore, ka dhe një ndërgjegjësim nga ndërkombëtarët që listat e mbyllura është një problem në Shqipëri,  dhe kanë propozuar idenë e një sistemi danez, ku një pjesë zgjidhen me propocional kombëtar dhe pjesa tjetër propocional zonal, duke bërë që qytetarët të zgjedhin ato duhet që shkojnë në kuvend. Sot kUvendi nuk është nga përzgjedhja e qytetarëve", tha Mediu.

Ndalur te deklarata e kryeministrit Edi Rama i cili tha se nuk ka qeveri kujdestare, Mediu tha se kjo është një mënyrë për të shkatërruar gjithçka që është arritur deri më tani.

"Ideja për të shkatërruar të gjithë atë marrëdhënie që është krijuar me opozitën dhe mazhoranca për balanca, shatërron konsensusin për Reformën, Qeverisja kujdestare, nuk ka të bëjë vetëm me Ramën, por me interesin si shqiptar. Standardi i shqiptarëve nuk mund të jetë më poshtë se ai i maqedonasve. Nuk shikoj që ka arsye për ta hedhur poshtë kërkesën për qeveri kujdestare", tha Mediu, ndërsa foli edhe për një ndryshim në mënyrën e të bëri opozitë.

"Ne sot jemi republikë e një individi. Opozita nuk duhet të merret me individit, por duhet të jetë një individ që kërkon që përfaqëson vullnetin për ta ndryshuar këtë vend. Nuk është çështja se kush e përfaqëson opozitën, por kush është fryma për të sjellë ndryshimin", përfundoi Mediu.

B.K./b.ha./Shqiptarja.com

TAG:
• fatmir mediu
• reforma zgjedhore
• opozita