Medvedev: Kievi ka qenë gjithmonë i Rusisë dhe duhet t'i kthehet

Kievi "është thjesht një qytet rus, në të cilin rusishtja është menduar dhe folur gjithmonë".

Kështu ka deklaruar ish-presidenti rus, Dmitry Medvedev, në deklaratën në Telegram duke iu përgjigjur kërkesave të Ukrainës për dorëzimin e Krimesë. Ai shprehet se janë ukrainasit ata që duhet të dorëzojnë Kievin.

Nënkryetari aktual i Këshillit të Sigurimit thotë se historikisht Kievi ishte "kryeqyteti i Rusisë së lashtë", popujve që në mesjetë banonin në rajonet që tani janë pjesë e Ukrainës, Rusisë dhe Bjellorusisë. Medvedev shkruan po ashtu se Kievi ishte "një qytet i vogël rus brenda Perandorisë Ruse".

“Këtu, buburrecat e ndryshme që janë rritur në insektarin e Kievit kërcënojnë vazhdimisht se do ta "kthejnë Krimenë"...

Prandaj, dua t'u kujtoj atyre faktet e pamohueshme:

1.   Kivi është kryeqyteti i Rusisë së Lashtë.

2.   Kivi është një qytet i madh malorus brenda Perandorisë Ruse.

3.   Kivi është kryeqyteti republikan i Bashkimit të Republikave Socialiste Sovjetike (BRSS).

Dhe së fundi, Kievi është një qytet rus në të cilin njerëzit gjithmonë kanë menduar dhe folur në rusisht. (Vetëm) kështu që gjithçka është jashtëzakonisht e qartë, çfarë duhet të kthehet dhe si.", shkruan Medvedev në postimin e tij.

Historik i shkurtër rreth Kievit

Kievi besohet të jetë themeluar në shekullin e 5-të, ndërsa Moska, në shekullin e 12-të. Kur Ukraina ishte nën sundimin e Perandorisë Ruse dhe pjesë e BRSS, autoritetet e Moskës ndoqën një politikë rusifikimi.

Rusia pushtoi Krimenë e Ukrainës dhe nisi një luftë hibride në Donbas në vitin 2014. Më 24 shkurt 2022, Rusia filloi një pushtim në shkallë të plotë të Ukrainës. Ndër të tjera, rusët u përpoqën të kapnin Kievin, por u detyruan të tërhiqen.

Lajmi kryesor:

Shpërthime të fuqishme në Zaporzhzhia! OKB-ja kërkon ndalimin e luftimeve: Ndaloni, po luani me zjarrin! Medvedev: Kievi është vetëm një qytet rus

S.C/Shqiptarja.com

TAG:
• rusia sulmon ukrainen