Shpërthime të fuqishme në Zaporzhzhia! OKB-ja kërkon ndalimin e luftimeve: Ndaloni, po luani me zjarrin! Medvedev: Kievi është vetëm një qytet rus

Komisioneri i parlamentit ukrainas për të drejtat e njeriut ka mohuar se forcat e Kievit kishin vrarë të burgosur rusë të luftës.

Videot qarkulluan në mediat sociale ruse këtë javë që pretendojnë të tregojnë trupat e ushtarakëve rusë të vrarë pas dorëzimit te trupat ukrainase. Ombudsmani ukrainas Dmytro Lubinets argumentoi se ushtarët ukrainas po mbroheshin kundër rusëve që shtireshin si dorëzuar.

Ai tha se "pjesë" të një videoje treguan se rusët "duke përdorur një kapje të organizuar … kryen një krim lufte duke hapur zjarr ndaj Forcave të Armatosura të Ukrainës".

Kjo do të thotë se ushtarët “nuk mund të konsiderohen robër lufte”, argumentoi ai.

Ai bëri thirrje për një hetim për "krimet e luftës".

Zëdhënësja e Ministrisë së Jashtme ruse Maria Zakharova dënoi "të shtënat e pamëshirshme ndaj të burgosurve rusë të paarmatosur" dhe kërkoi që "organizatat ndërkombëtare të dënojnë dhe hetojnë tërësisht këtë krim tronditës".

Një zëdhënës i OKB-së i tha AFP-së të premten se ishte "në dijeni të videove" dhe "i shikonte ato".

Presidenti ukrainas Volodymyr Zelensky njoftoi se ushtria ukrainase po përparon në Lugansk dhe se sulmet ruse në një rajon tjetër, atë të Dontesku janë pakësuar.

“Në rajonin e Donetskut, numri i sulmeve nga pushtuesit rusë është ulur pak sot, ndërsa në rajonin e Luganskut, forcat e armatosura ukrainase po përparojnë. Betejat më të ashpra janë në rajonin e Donetskut.

Edhe pse sot ka pasur më pak sulme për shkak të motit të keq, numri i bombardimeve ruse për fat të keq mbetet jashtëzakonisht i lartë. Në Lugansk ne po ecim ngadalë me betejat. Nga atje tashmë kemi ka pasur gati 400 bombardime në lindje deri në fillim të ditës. Në jug, "ne jemi në mbrojtje", kështu është shprehur në mesazhin e tij të zakonshëm të mbrëmjes presidenti Zelensky.

Të paktën 5 milionë ukrainas humbën punën e tyre për shkak të shpërthimit të luftës. Kjo u bë e ditur nga zëvendësministrja e Ekonomisë, Tetyana Berezhna ,raporton “Kyiv Independent”.

Ministrja, e cila shtoi se luftimet po prekin zonat ku më parë punonin 10 milionë njerëz. Rreth 7 milionë njerëz janë larguar nga vendi për shkak të luftës, me një ndikim "të rëndësishëm" në shkallën e papunësisë.

"Lufta po shkatërron tregun ukrainas të punës," tha Berezhna.

Presidenti i Ukrainës Volodymyr Zelensky bëri të ditur se 4700 raketa ruse kanë goditur Ukrainën që prej nisjes së luftës.

"Sot është dita e 270 -të e një lufte në shkallë të gjerë. Rusia ka përdorur më shumë se 4700 raketa . Qindra qytetet tona thjesht janë djegur. Mijëra njerëz kanë vdekur . Qindra mijëra janë dëbuar me forcë në Rusi. Miliona janë larguar nga Ukraina për në vende të tjera, duke ikur nga lufta", u tha Zelensky pjesëmarrësve të Organizatës Ndërkombëtare të Frankofonisë, raporton UNIAN. 

Lideri ukrainas përsëriti edhe një herë nevojën për të ndaluar agresionin rus.

Kreu i Agjencisë Ndërkombëtare të Energjisë Atomike (IAEA) Rafael Grossi tha se ishte i bindur se sulmet ndaj centralit bërthamor të Ukrainës në Zaporizhzhia për të cilat Kievi dhe Moska akuzojnë njëri-tjetrin ishin "absolutisht të qëllimshme, të synuara". I intervistuar nga Bfmtv francez , Grossi përsëriti se situata është “serioze”.

Pa ia atribuar përgjegjësinë forcave ruse apo ukrainase, Grossi ishte indinjuar sepse disa "konsiderojnë se një termocentral bërthamor është një objektiv legjitim ushtarak" dhe ripërsëriti apelin e tij për të "ndaluar këtë çmenduri".

Presidenti ukrainas, Volodymyr Zelensky, synon të rrisë numrin e batalioneve ushtarake në qytetet në jug dhe në lindje të vendit.

"Problemet kryesore janë në front: furnizimi i trupave tona, situata në zona të veçanta. Dhe ne po planifikojmë të rrisim numrin e batalioneve ukrainase në qytetet e jugut dhe lindjes së vendit," , tha Zelensky të enjten.

Kievi "është thjesht një qytet rus, në të cilin rusishtja është menduar dhe folur gjithmonë".

Kështu ka deklaruar ish-presidenti rus, Dmitry Medvedev, në deklaratën në Telegram duke iu përgjigjur kërkesave të Ukrainës për dorëzimin e Krimesë. Ai shprehet se janë ukrainasit ata që duhet të dorëzojnë Kievin.

Nënkryetari aktual i Këshillit të Sigurimit thotë se historikisht Kievi ishte "kryeqyteti i Rusisë së lashtë", popujve që në mesjetë banonin në rajonet që tani janë pjesë e Ukrainës, Rusisë dhe Bjellorusisë. Medvedev shkruan po ashtu se Kievi ishte "një qytet i vogël rus brenda Perandorisë Ruse".

“Këtu, buburrecat e ndryshme që janë rritur në insektarin e Kievit kërcënojnë vazhdimisht se do ta "kthejnë Krimenë"...

Prandaj, dua t'u kujtoj atyre faktet e pamohueshme:

1.   Kivi është kryeqyteti i Rusisë së Lashtë.

2.   Kivi është një qytet i madh malorus brenda Perandorisë Ruse.

3.   Kivi është kryeqyteti republikan i Bashkimit të Republikave Socialiste Sovjetike (BRSS).

Dhe së fundi, Kievi është një qytet rus në të cilin njerëzit gjithmonë kanë menduar dhe folur në rusisht. (Vetëm) kështu që gjithçka është jashtëzakonisht e qartë, çfarë duhet të kthehet dhe si.", shkruan Medvedev në postimin e tij.

Historik i shkurtër rreth Kievit

Kievi besohet të jetë themeluar në shekullin e 5-të, ndërsa Moska, në shekullin e 12-të. Kur Ukraina ishte nën sundimin e Perandorisë Ruse dhe pjesë e BRSS, autoritetet e Moskës ndoqën një politikë rusifikimi.

Rusia pushtoi Krimenë e Ukrainës dhe nisi një luftë hibride në Donbas në vitin 2014. Më 24 shkurt 2022, Rusia filloi një pushtim në shkallë të plotë të Ukrainës. Ndër të tjera, rusët u përpoqën të kapnin Kievin, por u detyruan të tërhiqen.

Termocentrali bërthamor i Ukrainës në Zaporizhzhia, i cili është nën kontrollin rus, u trondit nga bombardimet të dielën. Pas bombardimeve, mbikëqyrësi bërthamor i OKB-së, tha se sulme të tilla rrezikonin një fatkeqësi të madhe bërthamore.

Më shumë se një duzinë shpërthimesh tronditën termocentralin më të madh bërthamor në Evropë të shtunën në mbrëmje dhe të dielën, sipas njoftimit nga Agjencia Ndërkombëtare e Energjisë Atomike (IAEA). Moska dhe Kievi fajësuan të dy tjetrin për bombardimin e objektit.

Drejtori i përgjithshëm i Uzinës tha se ata që janë përgjegjës për "shpërthimet e fuqishme" në zonë të shtunën mbrëma dhe të dielën në mëngjes po "luanin me zjarrin". Menaxherët u thanë ekspertëve të IAEA-së në uzinë se kishte pasur dëmtime në disa ndërtesa, sisteme dhe pajisje, por "asnjë prej tyre deri më tani" nuk është kritik për sigurinë.