POP 5

Lajmet më të lexuara të 5 minutave të fundit

Bota

Mega operacion i INTERPOL/ 15 mijë arrestime në Amerikën Latine! Sekuestrohen drogë me vlerë 5 mld $ dhe mbi 8 mijë armë!

Policia në Amerikën Latine ka sekuestruar kokainë dhe droga të tjera me vlerë 5 miliardë dollarë në një operacion që zgjati tre javë dhe përfshin 15 vende.

AMERIKA LATINE- Policia në Amerikën Latine ka sekuestruar kokainë dhe droga të tjera me vlerë 5 miliardë dollarë në një operacion që zgjati tre javë dhe përfshin 15 vende. Në kuadër të operacionit "Trigger IX" u konfiskuan më shumë se 8,000 armë zjarri ilegale, 305,000 fishekë municionesh dhe u kryen pothuajse 15,000 arrestime. 

Forcat e policisë nga Meksika në veri deri në Argjentinë në jug shkëmbyen informacion në operacionin, i cili u koordinua nga Interpoli. Interpoli tha se arrestimet ndikuan në shkatërrimin bandave të fuqishme. Më konkretisht, në terren, veprimet e koordinuara çuan në përçarjen e 20 grupeve të organizuara kriminale, duke përfshirë arrestimin e anëtarëve të Primeiro Comando da Capital, Mara Salvatrucha dhe Kartelit Ballkanik, të gjithë të përfshirë në trafikun e armëve të zjarrit.

Banda u shfaq fillimisht në Brazil, por është zgjeruar për të vepruar ndërkombëtarisht dhe është e lidhur me vrasjen e një prokurori paraguaian kur ai ishte në muajin e mjaltit në Kolumbi. Kjo ngjarje u zbardh pasi autoritetet kishin gjithashtu akses të menjëhershëm në Rrjetin e Informacionit Balistik të INTERPOL (IBIN), duke u mundësuar zyrtarëve të zbatimit të ligjit të krahasonin imazhet e gjurmëve të gishtërinjve balistikë nga gëzhoja dhe predha të shkrepura për të vendosur lidhje midis krimeve në mbarë botën. Gjurmimi i historisë dhe pronësisë së armëve të zjarrit të gjetura ka ofruar pista të rëndësishme hetimore. Çdo armë zjarri është unike dhe mund të identifikohet nga numri i serisë, marka, modeli dhe kalibri, si dhe nga 'gjurma e gishtit'. 

Operacioni, ku bashkëpunuan 15 vende, identifikoi gjithashtu një sërë krimesh të tjera si korrupsioni, mashtrimi, trafikimi i qenieve njerëzore, krimi mjedisor dhe aktivitetet terroriste. 11 viktima të trafikut njerëzor u shpëtuan në Paraguaj, ku autoritetet shpërbënë rrjetin e trafikut.

Bandat kriminale në Meksikë, Amerikën Qendrore dhe Jugore janë gjithnjë e më shumë të armatosura mirë dhe policia lokale shpesh e gjen veten të dorëzuar për tu përballur me ta. Për pasojë, operacioni i quajtur Trigger IX, i nisur në 12 marsi në 2 prill ishte përpjekje ndërkombëtare me qëllim kryesisht luftën kundër trafikimit të armëve të zjarrit të paligjshme.

Vendet pjesëmarrëse : Argjentina, Bolivia, Brazili, Kili, Kolumbia, Kosta Rika, Ekuador, El Salvador, Guatemala, Honduras, Meksikë, Panama, Paraguaj, Peru, Uruguai.

Operacioni Trigger IX u financua nga Bashkimi Evropian.

Rezultatet e operacionit të Interpol

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • 3D: 18/04/2023 22:38

    Shkatrrim që e damton edhe Shkelzen Berishën

    Përgjigju
  • Kali: 18/04/2023 21:59

    Po kta spacciatoret e SPAKut tone do kapin gje? Apo vec buburreca. Plera e keni kthy Tiranen si Panama, 3000 euro metri

    Përgjigju
  • Kasapi: 18/04/2023 20:55

    Mish per dhembet e Tan Hoxhes. Ne vjeshte e ke 45 kilen e “mishit”

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça