Një megaoperacion është zhvilluar sot në të gjithë vendin për kapjen e personave me armë dhe të atyre të shpallur në kërkim. Në kuadër të operacionit “Sundimi i Ligjit” për të cilin janë angazhuar forcat RENEA dhe ato operacionale kanë rënë në pranga 25 persona, 19 prej tyre ishin të shpallur në kërkim kombëtar, një tjetër në kërkim ndërkombëtar. Ndërkohë 5 të tjerë u arrestuan pasi u kapën me armë dhe drogë.
Report Tv ka zbardhur emrat e 16 prej 25 të arrestuarve sot në kuadër të operacionit “Sundim i Ligjit” që u shtri në të gjithë vendin. Mes të arrestuarve është edhe Mërgim Lazri në Dibër i cili ishte shpallur në kërkim ndërkombëtar nga Italia për vrasjen e arkitektit italian, Roberto Morttura në qershor të vitit 2021.
Gjithashtu, në Shkodër, është arrestuar, Kristian Fermosi i cili ishte shpallur në kërkim për ngjarjen e ndodhur në tetor të vitit të kaluar, ku qëlloi me armë zjarri drejt 2 vëllezërve, Ardian e David Kiri.
Në pranga kanë rënë:
Qarku Shkodër, i shpalluri në kërkim Kristian Fermosi
Qarku Dibër, i shpalluri në kërkim ndërkombëtar, Mërgim Lazri i cili akuzohet për vrasje në Itali
Qarku Tiranë, të shpallurit në kërkim: Fatmir Hoxha, Qazim Musteqja, Blerim Kullaj, Serxho (Jetmir) Dosku, Emilton Pjetri dhe Trazhgim Maçi
Të arrestuarit në flagrancë: Rubin Gjeta dhe Erjol Hajdari
Qarku Fier, i arrestuar në flagrancë: Markos Berberaj
Qarku Berat: i shpalluri në kërkim, Andjon Matarangasi
Si rrjedhojë janë sekuestruar:
-3 armë zjarri (pushkë dhe 2 pistoleta), armë gjahu dhe municion luftarak janë sekuestruar nga Policia, në Dibër, Tiranë dhe në Fier. Të katër poseduesit e tyre janë vënë në pranga;
-61.5 gramë kokainë dhe 500 doza cannabisi janë sekuestruar në Tiranë dhe në Dibër, si dhe janë arrestuar në flagrancë 2 shtetasit që i posedonin lëndët narkotike, me qëllim shitjen.
Për operacionin ka reaguar edhe ministri i Brendshëm Taulant Balla i cili tha se prova e parë e sigurisë kombëtare ka ecur me sukses, ndërsa shtoi se ky operacion i nisur nga ora 04:00 e mëngjesit të sotëm vijon ende.
Foto: Shënjestra e atentatit, Ardian Kiri dhe vendi i ngjarjes
Kristian Fermosi i shpallur në kërkim për tentativë vrasje ndaj 2 vëllezërve Ardian dhe David Kiri në Shkodër, është arrestuar sot nga policia në kudër të operacionit “Sundimi i Ligjit”.
Mbrëmjen e 25 tetorit të vitit 2022, Fermosi ka qëlluar me pistoletë ndaj 2 vëllezërve që qarkullonin me një automjet luksoz me targa angleze. Asokohe u raportua se ngjarja kishte ndodhur pas një konflikti mes Kristian Fermosit dhe ish drejtorit të ALUIZNI-t Ardian Kiri në Shkodër. Më pas në konflikt është përfshirë edhe vëllai i këtij të fundit David Kiri.
Foto: Arkitekti italian Roberto Morttura
Mërgim Lazri, i shpallur në kërkim ndërkombëtar për vrasjen e një arkitekti italian, është arrestuar sot nga policia shqiptare në Dibër.
Mësohet se Lazri është një prej të akuzuarve për vrasjen e arkitektit italian Roberto Morttura në qershor të vitit 2021.
Ngjarja e cila rezultoi tragjike për familjen italiane që jetonte në Piossasco, të Torinos, është regjistruar më 9 qershor kur Emirjon Marjini, 29 vjeç, Mergim Lazri, 24 vjeç dhe Flaogert Syla, 26 vjeç, hynë në shtëpinë e arkitektit për të vjedhur.
Ai ishte në shtëpi me gruan dhe djalit e tij 12-vjeçar, kur zbuluan se dikush kishte hyrë në shtëpinë e tyre. Në përpjekje për të parandaluar grabitjen dhe për të mbrojtur familje ne tij, njeri prej shqiptarëve i drejtoi armën dhe e qëlloi në bark duke i marrë jetën.
Ministri i Brendshëm, Taulant Balla ka reaguar për megaoperacionin "Sundimi i Ligjit" në kuadër të të cilit u arrestuan 25 persona, 20 prej tyre të shpallur në kërkim. Balla tha se operacioni është ende në vijim ndërsa shtoi se prova e parë e sigurisë kombëtare po ecën me sukses.
Reagimi i plotë i Ballës:
Policia e Shtetit i ka dhënë udhë sot në orën 04.00 Operacionit Kombëtar “Sundimi i ligjit”, për kapjen e shtetasve të shpallur në kërkim, të shtetasve që qarkullojnë me armë zjarri dhe të atyre që mbajnë në banesë armë, municion ose lëndë narkotike.
Në orët e para të këtij operacioni u përfshinë 1852 punonjës policie, nga Forca e Sigurisë Kombëtare, Reparti Special “RENEA”, Drejtoria e Forcës së Posaçme Operacionale dhe strukturat e drejtorive vendore të Policisë.
⭕️ Deri në orën 12.00 janë arrestuar 20 shtetas të shpallur në kërkim kombëtar dhe 1 shtetas i shpallur në kërkim ndërkombëtar, për vepra të rënda penale.
⭕️ Deri në orën 12.00 janë arrestuar në flagrancë 5 shtetas, për armëmbajtje dhe posedim lëndësh narkotike.
⭕️Deri në orën 12.00 janë sekuestruar 9 armë dhe sasi të konsiderueshme municion luftarak.
⭕️ Deri në orën 12.00 janë sekuestruar sasi lënde narkotike cannabis sativa dhe kokaine, si dhe shuma parash në lekë dhe në euro, të përfituara nga veprimtaritë kriminale.
Prova e parë e Forcës së Sigurisë Kombëtare po ecën me sukses, ndërsa ky Operacion sapo ka filluar dhe po vijon intensivisht.
Janë zbardhur emrat e 16 prej 25 të arrestuarve sot në kuadër të operacionit “Sundim i Ligjit” që u shtri në të gjithë vendin.
Në pranga kanë rënë:
Qarku Shkodër, i shpalluri në kërkim Kristian Fermosi
Qarku Dibër, i shpalluri në kërkim ndërkombëtar, Mërgim Lazri i cili akuzohet për vrasje në Itali
Qarku Tiranë, të shpallurit në kërkim: Fatmir Hoxha, Qazim Musteqja, Blerim Kullaj, Serxho (Jetmir) Dosku, Emilton Pjetri dhe Trazhgim Maçi
Të arrestuarit në flagrancë: Rubin Gjeta dhe Erjol Hajdari
Qarku Fier, i arrestuar në flagrancë: Markos Berberaj
Qarku Berat: i shpalluri në kërkim, Andjon Matarangasi
Komente
Lajme të tjera
-
Kundër pr/buxheti 2025, dështon protesta e PD-së para Kuvendit! Zgjati më pak se 2 orë, Berisha kishte bërë thirrje të vazhdonte deri kur të bëhej votimi
19 Nëntor, 16:11 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
Sot ndeshja Shqipëri - Ukrainë, Policia e Shtetit publikon planin e masave të ndërmarra! Ja rrugët që do të bllokohen
19 Nëntor, 12:16 -
Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje (VIDEO)
17 Nëntor, 22:21 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Prezantohen drejtorët e rinj të policisë në Tiranë dhe Durrës, Ministri u lë porosi: Zbardhni sa më shpejt vrasjet e fundit, rihapni hetimet për ngjarjet e vjetra
16 Nëntor, 10:15 -
Sot në 20:45 Shqipëri - Çeki/ 'Blindohet' Tirana, rrugët që bllokohen dhe kontroll për tifozët! Policia tregon planin e masave
16 Nëntor, 07:53 -
Rinovohen drejtorët e policive në 12 qarqe, ikin të gjithë të vjetrit, vetëm 1 mbijeton! Në Tiranë Elton Alushi zëvendëson Tonin Vocajn (EMRAT)
14 Nëntor, 16:02
-
Emrat e rinj të 12 drejtuesve të policive në qarqe! Ministri porosi vartësve: Zbuloni sa më shpejt autorët e Masakrës së Shkodrës! Bashkëpunoni me SHISH e prokurorinë
14 Nëntor, 13:12 -
Kryepolici Ilir Proda zhvillon vizitën e parë jashtë vendit, zgjedh Kosovën! Takohet me homologun Gazmend Hoxha: Bashkëpunim për goditjen e krimit dhe trafiqeve
12 Nëntor, 14:37 -
Gara për shefat e 48 komisariateve/ Publikohet lista me 290 emra, 9 prej tyre janë gra
12 Nëntor, 10:10
-
Gara për drejtor policie në qarqe/ Burime: 12 kandidatët me pikët më të larta emërohen drejtues, ikin aktualët! Listën e kryeson Vilson Bala, mbetin jashtë Vocaj e Panganika! Renditja e 38 emrave me pikët e fituara
10 Nëntor, 12:59
I mbushen burgjet plot, gjysma shqiperise ne burg, gjysma tjeter ne emigracion
PërgjigjuEdhe gjysma e emigracionit me precedente penal eshte. I kane mbushur burgjet kendej.
Per Ballen skam ndonje simpati si deputet i Ps,por fakti eshte fakt qe policia ka tjeter qasje ndaj krimit qe kur Balla eshte minister i Rendit. Ne kete drejtim meriton Respekt.
PërgjigjuCironka turp qe i rendoni qytetaret duke i dhene buke neper burgje ktyre ordinerve.
PërgjigjuMir ashte me e fillu me deputete e korruptuare
PërgjigjuDeputetet mund te vjellin! Por këto të arrestuar të vrasin.por cilet nga këto duhet arrestuar Emi?