Kryeministrja Giorgia Meloni është shprehur se Italia është e përkushtuar për të ndihmuar për uljen e tensioneve në Lindjen e Mesme.

Komentet Meloni i bëri pas takimit në Romë me kryeministrin e Polonisë, Donald Tusk, në një deklaratë të përbashkët për shtyp.

"Gjithashtu patëm një shkëmbim të gjerë pikëpamjesh mbi çështjet kryesore aktuale ndërkombëtare, duke filluar me zhvillimet e fundit në Lindjen e Mesme dhe pasojat e tyre për Evropën. Italia dhe Polonia janë të dyja të përkushtuara për të nxitur uljen e tensioneve në rajon, për të kufizuar ndikimin ekonomik të krizës në familjet dhe bizneset tona", tha mes të tjerash Meloni.

"Ne jemi gjithashtu veçanërisht të vëmendshëm ndaj nevojave të partnerëve tanë në Gjirin Persik", shtoi kryeministrja. Meloni tha se dëshironte të "shfrytëzonte këtë mundësi për të treguar afërsinë dhe solidaritetin e Italisë me Emiratet e Bashkuara Arabe pas sulmeve të pajustifikueshme që kanë pësuar nga Irani, përfshirë edhe orët e fundit".


Lajmi kryesor:

Lufta/ SHBA dhe Irani pranë dakordësisë për një marrëveshje! Raketa godet një automjet në bazën italiane të UNIFIL! Trump bisedë telefonike me Netanyahun